p43

Compromis ratifié (copié avec le 16 H 14) : Omnibus presentes litteras inspecturis, R. abbas Sancti W. Rothomagensis dyocesis et H. Pisanus, Rothomagensis archidiaconus, salutem in Domino. Noverit vestra discretio nos conpromisisse in venerabilem patrem nostrum P., Dei gratia Rothomagensem archiepiscopum prout in literis nostris supra hoc confectis plenius continetur, super causis que continentur in libello inferius annotato, cujus tenor talis est, coram vobis magister Ricarde canonice Cenomanensis index a domino papa delegate proponit H. Pisanus, Rothomagensis archidiaconus, nomine suo et sui archidiachonatus quod, cum ad ipsum de jure pertineat, post archiepiscopum omnis cura, tam in clericis in urbe Rothomagensi positer quam in hiis qui parrochias in suo archidiachonatu habent seu de eorum conversatione sive onere ac restauratione ecclesiarum sive de doctrina ecclesiastica vel ceterarum rerum studio, in tantum ut delinquentium coram Deo rationem reddere teneatur et rationem etiam districtam de hiis que de diversis ecclesiis sunt collecta si non sub omni sollicitudine et fide serventur ut si quid ex eis vel negligencia vel cujuscunque fraude depereat. Idem archidiaconus hoc reatu astringatur qui horum custodie arcius deputatur et pertineat etiam ad eundem parrochiarum sollicitudo et ordinatio et ut per archidiachonatum prospiciens que corrigenda viderit corrigat et emendet nisi ardua sint negotia que absque majoris sui presencia nequeant terminari, nec non et semel in anno visitare sui archidiachonatus ecclesias teneatur, nisi causa emerserit propter quam eas debeat sepius visitare abbas et conventus Sancti Wandregesili suis finibus non contenti ; et in alienum agrum falcem mittentes in ecclesiis Sancti Michaelis de villa Sancti Wandregesili et Sancte Marie de Resenchon et Sancte Emgeltrude et Sancte Marie de Caldebeco earum presbiteris et parrochiis infra sui archidiachonatus fines constitutis jura jurisdictionem, correctionem, pensiones, oblationes, decimas, primicias, obedientiam et reverentiam nituntur usurpare et sibi subicere, tam dictas ecclesias quam presbiteros et parrochianos earumdem in ipsius archidiaconatus et successorum suorum dictarum ecclesiarum presbiterorum et parrochiarum prejudicium et gravamen propter quod ipsus archidiconus in dictis ecclesiis presbiteris et parrochiis officium impeditur. Unde petit, nomine suo et sui archidiachonatus dictos abbatem et conventum, nomine quo et sui monasterii, per diffinitivam sententiam prohiberi, ne in dictis ecclesiis presbiteris et parrochiis de cetero jurisdictionem, correctionem, pensiones, oblationes, decimas primitias, obedientiam, reverentiam vel aliquod jus vendicent sive querant. Et ut ullo modo dictum archidiaconum vel ejus successores impediant quominus prout ad eos spectat in dictis ecclesiis presbiteris et parrochiis ut dictum est infra fines sui archidiaconatus constitutis suum possint officium libere exercere. Cum non sit dictis abbati et conventui jus talia faciendi vel pocius usurpandi, et dicto archidiacono ut sibi patet jus sit predicta petendi salvo jure et cetera. In cujus veritatis recognitionem, presentibus sigilla nostra duximus apponenda. Datum anno Domini m° cc° xxx° nono, in crastino Pasche.