{Fol. 11v}La coustume des cuirs tanez et la maniere de la cueillir cy aprés ensuivent.

Chascun qui aporte cuirs au marché, tant de vacque que de veel, mais que ilz ayent peu, il doit de chascune tacre qui contient x cuirs, xx d.^aLa graphie de xx est étrange, comme si l'on avait voulu gommer les lettres ; B : ii d. Et se la tacre n'y estoit, il doit de chascun cuir par soy ii d.^bL'écriture de ii d. ressort comme si un scribe avait repassé l'encre ; B : i d.

Item, se les marchans qui les aportent au marché ne les pevent vendre ledit jour au marché et ilz les vendent aprés marché ou lendemain et autre jour qui ne soit pas marché, ilz doivent de chascun cuir ii d.^cLa graphie de ii d. est étrange, comme si l'on avait voulu gommer les lettres ; B : i d., et de la tacre xx d.^dLa graphie de xx d. est étrange, comme si l'on avait voulu gommer les lettres ; B : ii d. Et doivent avoir de ce congé.

Item, tous ceulz qui apportent cuirs despechiez au marché a col ne doivent riens. Se ilz les apportent a cheval, ilz doivent de la chevallee viii d.^eB : i d., et de la value de xii d., i d.

Item, chascun qui achette au marché cuir entier et il le porte hors de la ville, il doit de cuir entier ii d.^fB : i d.. Et se ilz sont despechez, il n'en doit riens.

Item, chascun qui apporte a ce marché peaulx de mouton, de veaulx a let et semblables, ils doivent du cent iiii d. ; du quarteron, i d. ; et de mendre nombre, riens.

Item, la xiie de cordouen doit iiii d. ; de x ou de viii peaulx autant comme de xii. La demi xiine, ii d. ; de v ou de iiii autant comme la demi xiine.

Item, se l'en apporte par mer aucuns cuirs tanés en aucunes nefz, ou n'en les carche en aucune a Dieppe pour mener hors, la coustume appartient a la viconté et non au fermier.

Item, il est assavoir que toute la coustume des cuirs a poil, tant venans et alans par mer comme par terre en quelconques lieu que on les porte ou soient venduz, appartient a la viconté et non au fermier.