La coustume des revendeurs de pain a fenestre, nommez botiers, et la rente que ilz font a monseigneur.

Il est assavoir que chascune personne de ladite ville revendans pain a fenestre en son hostel, se l'ostel n'est franc, doit chascun an au Noel, pour tout l'an, iii s., mais que il ait vendu entre la Saint Michel et Noel ; et se devant Noel n'avoit vendu et il vendoit aprés Noel, il ne seroit tenu de paier jusques au Noel ensuivant. Et tel est l'usage gardee.