xxxix. De celi a qui l’en baille le merel et puis le pert

¶Se l’en baille a aucun merel por {Fol. 54, BNF_Francais_5966}signe d’estre aquité a la visconté de Rouen et puis avient que il le perde, l’en le doit feire jurer que il ne le feit pas malicieusement por li ne por autre, ne en fraude que il ne pait la coustume de la viscontee de l’eaue de Rouen. Et se il ne veut jurer, il le doit amender et paer iii s. por l’amende. Et se il emporte ledit merel outre les bornes, ne que il ne l’ait ballié en lieu establi a rechevoir lei a la porte par ou il a passé, il doit forfeire toute la mar{Fol. 54v, BNF_Francais_5966}chaandise que il porte ou il le doit amender et païer xviii s. por l’amende.