Ce qui appartient a la ferme des quatre piés

La coustume du poisson d’eaue doulce, les drois et lez appartenances du grant poix ce qui est deu au roy, lez drois {Fol. 72, BSG_2998}et lez appartenances du petit poix ce qui est deu au roy, la coustume dez cuirs frés et tennés, lez barrages et lez tourteaux de toutes les portes de Rouen, la coustume et le traves dez bestez a iiii piés, la coustume dez pors qui viennent au pasnage, la coustume dez estallages, la coustume du pain qui vient au jour de foire et draps a col, la coustume du pain qui vient par eaue, la coustume du fil linge et lange, la coustume du lin et du canvre, la coustume {Fol. 72v, BSG_2998}de la caharie et pelleterie, la coustume des escuelles, hanaps, seilles, boisseaux et pichiers, la coustume des toilles a col, la coustume de la layne en suyn, la coustume dez cuirs, le pesage du fille, le sauc d’oultre Saine, la coustume des peaulx d’aigneaux, de quevriaulx sans courroy, lez estallages dez penniers de maree et lez appartenances dez halles du viel marchié, et ce que lez gens de religion et autrez doivent a la viconté donc lez parties ensuivent.