Ce que les personnes d’Eglise ont sur la viconté de l’eaue. xxe chappitre

L’archevesque de Rouen et le chappitre ont sur la viconté iiic muys de vin, ainsi que le doublier est compté pour ii muys et demy et vi septiers. {Fol. 29v, BSG_2998}Ne il n’ont ne ne doibvent avoir charectés se il n’y a illeuc xix charectees. ¶Le tresel pour ii muys et demy. ¶Le tonnel de Rochelle pour iiii muys. Et se ilz veullent, ilz ne prendront point de vin qui vienne jusquez a ce que la Saint Michiel soit passee. Et aprés la feste, ilz sont tenus et lez doibvent prendre de quelle coulleur et de telle maniere et de quel païs que ilz soient, maiz que ilz aient creu au dessus du Pont de l’Arche et {Fol. 30, BSG_2998}de la mueson le roy. ¶Et se il vient tonnel d’Orleans, ilz sont tenus a le prendre pour deux muys. ¶Et se il advenoit que vins ne venissent pour la deffaulte ou pour ce qu’il fust pou de vin ou pour aucun empeschement, si que l’en ne leur peust païer vin a la quantité de celui qui leur est deu de mueson, les fermiers sont tenus, veullent ou non, a païer pour chacun muy xx s. tant que satiffacion leur soit faicte de ce qui leur est deu chacun an de mueson. ¶Item, ledit chappitre {Fol. 30v, BSG_2998}prent et a a chacun Eschiquier sur la viconté x l. ¶Item, xxxvi^aErreur de copie pour cette version, qui rattache xxxvi à nonnains de Saint Amand, alors qu'il s'agit de xxxvi s. pour le chapitre de Rouen.. Nonnains de Saint Amand ont la disme de la mueson, tant dez chanoines et des religieux come des autrez. ¶Lez moignes de Saint Vandrille ont la disieme sepmaine de toute la coustume de la viconté de l’eaue, de laquelle coustume nul n’est franc, se ne sont chevaliers, prestres de choses a leur propre usage en la maniere que il est dessus dit en chappitre dez persones franches. Et voit on moult {Fol. 31, BSG_2998}souvent que en la sepmaine aux moignes eschiet aucune sepmaine du Pray, du Mont aux Malades ou de Saint Ouen. Et donc celle sepmaine finee, lez moignes de Saint Vandrille, sans moien, doibvent avoir jour pour jour la sepmaine ensuivante en recompansacion et restablissement de la sepmaine devant dicte. ¶Item, lesdis moignes de Saint Vandrille ont sur la nef qui vient d’Irlande en leur sepmaine ung tymbre de martres, ou x l. t. se elle n’aporte nul tymbre, en la {Fol. 31v, BSG_2998}maniere que il est devant deu au roy. ¶Le prieur et le couvent du Mont aux Malades jouxte Rouen ont toute la moictié de toute la sepmaine Saint Gille de la coustume et des martres se il en vient en la maniere que il est deu au roy. ¶Item, eulx prennent et ont sur la viconté par an, c’est assavoir aux deux Eschiquiers, lxx l. vi s. viii d., et iiii milliers de harenc, et viii s. pour le vin de la Saint Martin d’iver. ¶Le prieur {Fol. 32, BSG_2998}et le couvent de Saint Lo de Rouen ont sur la viconté a la feste saint Lo vi s. ¶Lez malades de la maladerie dez Chartreux prennent et ont sur la viconté de l’eaue par an a deux Esciquiers x l. t. ¶Le prieur et le couvent de la Magdalaine de Rouen prennent et ont sur la viconté de l’eaue aux deux Eschiquiers l l. t. ¶Au chastel de Rouen aux deux Eschiquiers, viii s. ¶Le prieur et couvent de Beaulieu prennent et ont sur la viconté de l’eaue par an {Fol. 32v, BSG_2998}l l. a l’Ascencion et au Pardon Saint Romaing. ¶Lez chanoines de Saint Candre le Viel prennent et ont sur la viconté a la feste saint Candre, a païer aux deux Eschiquiers, vi s. ¶Les moignes de Saint Ouen de Rouen ont toute la coustume durant leur foire en la feste et en la vigille de ladicte feste, a l’eure de nonne jusquez a icelle heure du jour de ladicte feste. ¶Item, eulx prennent et ont par an sur ladicte viconté a la my {Fol. 33, BSG_2998}Karesme lx s. ¶Le prieur et les moignes de Saint Gervais ont pareillement en la maniere que ceulx de Saint Oen Ouen ont en leur feste, et est assavoir la vigille et le jour saint Gervais et commencent a cueullir la veille a heure de nonne et cessent le jour a heure de nonne. ¶L’abbé du Bec Helluyn a aux deux Eschiquiers, c l. ¶Le maistre et les freres de Grant Mont prennent et ont sur la viconté a deux Eschiquiers iic l. ¶A deux prebendes en l’eglise {Fol. 33v, BSG_2998}Notre Dame de Rouen que on appelle dez xv l., aux deux Eschiquiers xxx l. ¶Les seurs jacobines de Saint Mathieu aux deux Eschiquiers, iiiic l. ¶Les templiers aux ii Eschiquiers, xx l. ¶Lez moignes du Prey enprés Rouen ont sur la mueson xl muys de vin a prendre touteffois que il leur sera offert des vicontes de l’eaue, mais que ilz soient de la mueson le roy. Et si ont la coustume d’une sepmaine tant seullement en ladicte viconté {Fol. 34, BSG_2998}et commence le jour de l’Ascencion. Et adonc ont ilz leur foire, en laquelle les vicontes de l’eaue ont la moictié de ce qui y vient en telle maniere que de ce que les moignes prennent premierement x l. pour la demye coustume des citeiens de Rouen, qui adonc paient demye coustume. ¶Item, iceulx moignes prennent et ont en ladicte viconté par an aux deux Eschiquiers iiii l. vi s. ¶L’abbé et couvent de Cherissy prennent et ont x muys de vin en la maniere {Fol. 34v, BSG_2998}que les moignes du Pray prennent.