Lez franchises que les citeiens de Rouen ont sur la viconté. xle

Se aucun de la franchise de Rouen achate vins, mais que ilz aient creu au dessus du Pont de l’Arche, et se ilz viennent a Rouen, ilz paieront mueson, tant soient ilz a l’usage du marchant et aient creu en ses propres vignes. ***^aEspace laissé vierge pour un pied-de-mouche qui n'a pas été réalisé.Et du vin qui aura creu au dessoubz {Fol. 46v, BSG_2998}du Pont de l’Arche, ne mueson ne coustume ne sera payee. Mais se les vins croissans au dessus du Pont de l’Arche ont esté donnés a aucun citeien de Rouen, maiz que il face foy en la viconté de l’eaue que il n’en vendra rien, ilz seront quictes de toute coustume et de mueson ; se le maire a baillé aux vicontes de l’eaue aucun estre coustumier de iceulx vicontes par son meffait. Generalement tous lez citeiens {Fol. 47, BSG_2998}de Rouen sont quictes de toutes coustumes en la viconté de l’eaue. Et est assavoir que se le citeien de Rouen ou le juré et le monstier de la parroisse ou il demeure sciet dedens les murs et les barrieres de la ville de Rouen, il sera quicte de tourtel tant demeure il hors lez murs de la cité.