La coustume du desliage. xie

Il est une coustume que l’en appelle desliage, que l’en doibt prendre le plus prouchain vendredi aprés ou devant {Fol. 17v, BSG_2998}la Saint Andrieu a la vollenté dez vicontes. Et tout ce qui vendra a col s’acquictera par iiii d. et aux sergens i d. Et a charecte par xvi d. Et a cheval, viii d. ¶Pour chacune guerbe d’achier a cheval, i d., tant soit elle avec merserie ou oeuvre de forge. ¶Pour gymple de soye et de telz choses, i d. ¶Pour merserie en nef, viii d. ¶Pour ung cheval trespassant par la ville de Rouen et il a bas, i d. ¶Pour chacun bacon a{Fol. 18, BSG_2998}chaté ens et hors, i d. ¶Pour tapis de Rains, viii d. ¶Pour tapis de fil, i d. ¶Pour une coute de plume, iiii d. ¶Pour le travessain ou queveseul de plume, ii d. Se il est avec la coute, il ne doibt riens car la coute l’acquicte. ¶La huche ou le buffet a clef, iiii d. Et se aucun porte hors de la ville huche ou buffet, il doibt iiii d. En nef ou en batel, viii d. ¶Pour chacun troussel de draps a cheval, iiii d. En nef ou en batel, viii d. {Fol. 18v, BSG_2998}¶Pour ung freel de cordes en nef ou en batel ou a cheval, i d. ¶Pour chacun chief de frommages, iii v d. ¶Pour demi chief de frommages, iii d. se ilz viennent d’Angleterre, le chief de frommages soit de iic l. ¶Pour ung caable, maiz que il ne soit de la nef, l’en paie v d. ¶Pour une batelee de oeufz, xiii d. ; et aux sergens v d. Et se ilz viennent a charecte, pour chacun cheval de la charecte ii d. Et se ilz viennent a cheval, i d. ¶De ce qui est porté {Fol. 19, BSG_2998}a col aux foires, l’en doibt au roy ii d. et aux sergens i d. Et hors de foire, au roy i d. et aux sergens riens. ¶Se l’en porte aux foires aucunes derrees en charecte, l’en doit au roy viii d. et aux sergens i d. Hors foire, au roy viii d. et aux sergens rien. ¶Pour merserie qui va par eaue, viii d. Et a cheval a foire, iiii d. ; et aux sergens i d. ¶Pour ongnons a cheval, iiii d. Et en charecte, viii d. ¶Pour draps qui vont a Vernon ou vers icelles parties, {Fol. 19v, BSG_2998}viii d. Se ilz viennent a Rouen, iiii d. Et se il y a ung poy de layne avec, il doit viii d. ¶Pour lyn a cheval, i d. ¶Pour escuelles et draps a cheval, iiii d. Et en charecte, viii d. Pour ung tonnel de cendre par eaue, iiii d. Et en charecte, pour chacun cheval de la charecte ii d. Et a cheval, i d. ¶Pour chacun sac de layne, l’en paie pour le fardel viii d. ¶Nul ne peult peser alun ne telz choses, fors par xiines. ¶Et si ne peult nul peser plus de deux xiines d’une {Fol. 20, BSG_2998}marchandise sans prendre congié. ¶Pour la poise de sel, l’en paie pour coustume iii d. ¶Les mesureurs de sel doibvent prendre et avoir pour chacune poise de sel que ilz mesurent aux coustumiers iiii d. ¶Pour chacun sac de layne, pour tant que il y ait trois poix, xvi d.