De faire loy de deresne. xliiie chappitre

La loy que on appelle desrene par la coustume de Normendie est faicte en plussieurs manieres et en plussieurs condicions, aucuneffois par ii tesmoings ou par trois ou par quatre ou par cinq ou par six ou par sept, et ne sourmonte point le nombre de sept {Fol. 49, BSG_2998}tesmoings par la coustume de Normendie. Et nepourquant elle est gagee en la viconté de l’eaue de Rouen, celui qui gage la fera soy tierce main en ceste fourme. C’est assavoir que la justice dira a celui qui aura gagee la loy se il est gerni et appareillé de sa loy faire. Se il dist « ouy », adonc lui sera elle desclarer en ceste fourme, la main estendue sur le Livre, et dira aprés celui qui tendra les ples : ¶« Se Dieu m’aist {Fol. 49v, BSG_2998}et ses sains, l’argent que vous me demandés, je ne le vous doy pas » ; ou dire : « je ne feis pas ce ». Et adonc se doibt lever du serment et departir s’en. Adonc lez aultrez tesmoings doivent aller faire aussi, sans appeller ne detirer, que ilz ne soient subournés ne par priere ne par pris, et se doivent aproucher chacun par sey au Livre, la main estendue dessus, et puis dire le causement en la {Fol. 50, BSG_2998}fourme : « Du serment que il a cy juré a sauf serment, se Dieu m’aist et ses sains ». En telle maniere tous les autrez le doibvent jurer. En quoy se ilz jurent^amuent dans les autres versions. ne ne delaissent riens des parolles qui leur sont desclarees de la justice, si come il est dessus dit, celui qui gaga la loy contre ou la deresne contre autre que contre la court, il pourra faire lay sixte main.