Cy enssuit come on queult lez estallages dez penniers de maree

Tous ceulx qui achatent poisson frest ou mellenc pouldré pour revendre a Rouen doivent pour chacun pennier iii d., et lez rabatent a leur marchant. Ne nul n’en est franc, se ne sont gens d’Eglise ou de religion ou chevaliers ou bourgois {Fol. 70, BSG_2998}qui en achatent pour eux sans revendre, et ceulx qui en achatent pour nopces ou pour confraries ou pour aucune feste. Se eulx y comptent, ilz en paieront iii d. et les rabatent come dit est. ¶Nul poisson n’en est franc. Se il n’est sallé encore, paie l’en pour chacun pennier de mellenc pouldré autant come du frest, se il n’est achaté a compte, ou autre poisson come maquereaux frés ou harenc frest, eulx ne doivent rien. ¶Chacun pennier de harenc frest qui est achaté et il est vendu {Fol. 70v, BSG_2998}entour les halles ou entour l’estre Saint Michiel, l’en en doit iii d. Et se il est vendu au pont de Saine ou au pont de Robec ou aval les rues, l’en n’en doit riens. ***^aEspace laissé vierge pour un pied-de-mouche qui n'a pas été réalisé.Et se ung marchant apporte maquerel sallé ou autre poisson frest en brouecte pour vendre, se il vent il paiera iiii d. pour estalage. ***^bEspace laissé vierge pour un pied-de-mouche qui n'a pas été réalisé.Aprés ce chacun marchant qui amaine poisson frest ou fait amener pour vendre, il doit pour chacune journee vi d. Ne nul n’en {Fol. 71, BSG_2998}est franc. ***^cEspace laissé vierge pour un pied-de-mouche qui n'a pas été réalisé.Se ilz sont deux parçonniers ou trois qui partent ensembles, ilz doivent pour chacun vi d. Et se ilz s’en vont ou enmainnent leurs chevaulx oultre les mectes ou oultre la barriere sans païer leurs estallages, leurs chevaulx seront forfais ou amende faicte a la vollenté.