Anno domini millesimo ducentesimo sexagesimo sexto

La Bloetiere.

La Bloetiere est quidam prioratus Sancti Augustini, situs iuxta Villam Dei, ad quem non divertimus, propter
tenuitatem reddituum prioratus.***

Sanctus Nicholaus.

Sanctus Nicholaus de Bosco Rogeri est quidam prioratus de Cormeriaco situs iuxta Constancias ad
quem non ivimus similiter, propter loci paupertatem.***

Saveigniacum.

Saveigniacum est quidam prioratus Sancte Barbare, situs iuxta Constancias, quem similiter non
visitavimus, nec ibidem procurati fuimus, propter loci paupertatem.

XI. Kl. Octobris. Apud pontes Corbonios.

X. Kl. Octobris. Apud Bernaium in abbacia, cum expensis nostris.

IX. Kl. Octobris. Apud Pyntardivillam.

VIII. Kl. Octobris. Apud Vernonem.

VII. Kl. Octobris. Apud Sanctum Cosmam iuxta Mellentum.

{324r} VI. Kl. Octobris. Apud Pontisaram.

V. Kl. Octobris. Ibidem.^a Les 2 alinéas sont regroupés par une accolade suivie de Cum rege. .

Cum rege.

IIII. Kl. Octobris. Apud Sanctum Germanum in Laya.

III. Kl. Octobris. Apud Meduntam.

II. Kl. Octobris. Apud Gaillonem, videlicet in festo Sancti Michaelis.

Kl. Octobris. Apud Pyntardivillam.

VI. Non. Octobris. Apud Bonum Portum.

V. Non. Octobris. Rothomagi.

IIII. Non. Octobris. Ibidem celebravimus festum Beati Francisci et habuimus capitulum
nobiscum.

De Radulphus Mauconduit parrochia de Blossevilla.

III. Non. Octobris. Apud Sanctam Katerinam in Monte, cum expensis nostris. Qua die compa
ruit personaliter coram nobis Radulphus Mauconduit, rector ecclesie de Blossevilla, qui fere per
annum et amplius fuerat excomunicatus pro contumaciis multis a nobis, et se non representaverat ad or
dines et infregit granchiam in qua reposita fuerant bona eius, et ea vi sua rapuit, que
quidem saisiri feceramus ob causas predictas. De quibus omnibus se nostre supposuit voluntati. Presen
tibus venerabilibus viris magistris Guillelmo de Flavacuria, archidiacono Minoris Caleti, Johanne de Gemeticis, ballivo Sancte Katherine, magistro Guillelmo dicto Perfecto, et Johanne de Morgneval cum multis aliis.

II. Non. Octobris. Predictum Radulphum absolvimus ab excomunicationibus supradictis, et eidem iniunximus ut ecclesiam suam
officiali faceret competenter et nobis satisfaceret de viginti libris, videlicet, de decem libris infra festum Beati
Andree, et de decem residuis in purificatione sequente. Ipsa die, fuimus apud Fraxinos.

Non. Octobris.

VIII. Idus. Octobris.^b Les 2 alinéas sont regroupés par une accolade suivie de Apud Fraxinos. .

Apud Fraxinos.

VII. Idus. Octobris. Apud Gisortium in castro, cum expensis nostris.

VI. Idus. Octobris. Reconciliavimus cimiterium de Bouconvilla , et celebravimus et predicavimus ibidem,
Domino adiuvante, et pernoctavimus apud Yveriacum, in domo templi, cum expensis tem
ploriarum, quas habuimus ratione procurationis pro capella eorum dedicanda.

V. Idus. Octobris. Dedicavimus, per Dei gratiam, capellam predictam, et pernoctavimus in manerio comi
tis Donni Martini apud Fraxinos Aculii, cum expensis nostris.

IIII. Idus. Octobris. Celebravimus, per Dei gratiam, synodum Wlcassini Francie, apud Calvum Mon
tem, in prioratu de Alleria, ubi tunc fuimus, cum expensis nostris.

Gisortium.^cDeux croix..

III. Idus. Octobris. Per Dei gratiam, dedicavimus ecclesiam monialium de Gaumeri Fonte, et
pernoctavimus apud Gisortium, in castro domini regis, ubi satisfecit nobis prior Sancti Audoeni
de Gisortio de septem libris turonensibus, in quibus nobis tenetur annuatim, ratione procurationis,
quando ad locum suum semel in anno accedere nos contingit, et nichil amplius tenetur nobis dictus
prior ultra dictas septem libras turonenses ministrare.

II. Idus. Octobris. Apud Fraxinos.

Idus. Octobris.

XVII. Kl. Novembris.^d Les 2 alinéas sont regroupés par une accolade suivie de Apud Deivillam. .

Apud Deivillam.

XVI. Kl. Novembris. In festo Beati Luce ewangeliste, apud Deivillam.

XIIII. Kl. Novembris.

XIII. Kl. Novembris.^e Les 2 alinéas sont regroupés par une accolade suivie de Apud Deivillam. .

Apud Deivillam.

XII. Kl. Novembris. Apud Bonum Portum.

XI. Kl. Novembris. Ibidem.

{324v} X. Kl. Novembris. Videlicet in festo Beati Romani, apud Pyntarvillam.

IX. Kl. Novembris.

VIII. Kl. Novembris.^f Les 2 alinéas sont regroupés par une accolade suivie de Apud Pyntarvillam. .

Apud Pyntarvillam.

VII. Kl. Novembris. Apud Gaillonem.

VI. Kl. Novembris. Apud Vernonem, cum domino rege.

V. Kl. Novembris. Videlicet in festo Beatorum Symonis et Jude, ibidem.

IIII. Kl. Novembris. Apud Vernonem.

III. Kl. Novembris. Apud Bonum Portum.

II. Kl. Novembris. Rothomagi.

Kl. Novembris. Videlicet in festo Omnium Sanctorum celebravimus, per Dei gratiam, festum Rothomagi.

IIII. Non. Novembris. Videlicet in die mortuorum, per Dei gratiam, celebravimus missam in monasterio
sororum Beati Mathei, et pernoctavimus apud Deivillam.

III. Non.Novembris.

II. Non. Novembris.^g Les 2 alinéas sont regroupés par une accolade suivie de Apud Deivillam. .

Apud Deivillam.

Capitulus Rothomagensis.

Non. Novembris. Per Dei gratiam accessimus ad ecclesiam Rothomagensem, causa visitationis ibidem exer
cende, et in capitulo dicti loci, canonicis, capellanis et clericis chori, presertim beneficiatis in dicta
ecclesia ad mandatum nostrum per nostras litteras quas super hoc ebdomadario premisimus inibi con
gregatis, proposuimus verbum Dei in latino, et hoc facto, processimus ad visitationem. Inve
nimus enim quod canonici et clerici chori colloquntur et confabulantur de stallo in stallum, etiam de tercio
in tercium, dum divinum officium celebratur. Psalmodia nimis transcurritur. Aliqua invenimus circa offi
cium thesaurarii emendenda. Capellani minus sufficienter celebrant. Item capellani et
clerici chori sepius exeunt chorum antequam hora incepta finiatur. Circa personas, invenimus
diffamatos de incontinencia multos, videlicet, Burnetum de Albana cum scandalo, Vi
sum Lupi de pluribus mulieribus, dominos Gaufridum de Sottevilla, Petrum Pilatum, Petrum
de Aulagia, Radulphum Anglicum, capellanos, et quendam clericum chori qui dicitur Gorgias. Item,
dominum Robertum dictum Piscem, de negociatione. Item, invenimus quod duo pueri de Bassa For
ma frequentabant tabernas, et ludebant cum talis, videlicet, Picardus, et Rage en Teste. Item, clerici Albanenses non iacebant in
domo sua simul, ut debebant. Item, invenimus domum Gilebertum dictum Barrabam, presbyterum et
rectorem parrochie Sancti Stephani^hIncertitude.., multipliciter diffamatum dicebatur enim quod per annos multos
tenuerat et adhuc tenebat neptim propriam et procreaverat pueros in eadem. Non habe
bat litteras ordinationis sue, docere non potuit a quo sive per quem fuerar institutus, de ne
gotiatione etiam erat diffamatus, minus sufficienter celebrabat et nimis solitarius, ut
pote paucis familiaris. Iniunximus personis et canonicis qui visitationi interfuerunt,
quod infra instantis epyphanie octabas predicta corrigerent, alioquin extunc manus nostras appo
neremus circa ea ut possemus, et tunc petivimus procurationem nostram ratione visita
tionis predicte a capitulo.

Nota : De curato Sancti StephaniⁱIncertitude...

Ipsa die, pernoctavimus apud Deivillam.***

VIII. Idus. Novembris.

VII. Idus. Novembris.^j Les 2 alinéas sont regroupés par une accolade suivie de Apud Deivillam. .

Apud Deivillam.

{325r} VI. Idus. Novembris. Apud Deivillam.

V. Idus. Novembris. Per Dei gratiam, celebravimus sacram synodum Rothomagensem, et pernocta
vimus ibidem.

IIII. Idus. Novembris. Tenuimus synodum decanorum et habuimus eos coram nobis
in camera nostra superiori.

III. Idus. Novembris. Apud Maretot, videlicet in festo Beati Martini.

II. Idus. Novembris. Apud Pyntardivillam.

Idus. Novembris. Apud Gaillon.

XVIII. Kl. Decembris. Apud Medundam.

XVII. Kl. Decembris. Apud Pissiacum.

XVI. Kl. Decembris. Parisius.

XV. Kl. Decembris.

XIIII. Kl. Decembris. Ipsa die, contulimus magistro Nicholao de Piris, ecclesiam de Corny, et investi
vimus Johannem de Morgneval ipsa, nomine et loco predicti N.

XIII. Kl. Decembris.

XII. Kl. Decembris.

XI. Kl. Decembris.

X. Kl. Decembris.^k Les 6 alinéas sont regroupés par une accolade suivie de Parisius propter pallamentum. .

Parisius, propter pallamentum.

IX. Kl. Decembris. Videlicet in festo Sancti Clementis. Parisius.

VIII. Kl. Decembris. Parisius.^l Les 2 alinéas sont regroupés par une accolade suivie de propter pallamentum. .

Propter pallamentum.

VII. Kl. Decembris. In festo Sancte Katherine, celebravimus, per Dei gratiam, missam in capella hospi
taliorum, pro scolaribus nationis Gallicane.

VI. Kl. Decembris.

V. Kl. Decembris.

IIII. Kl. Decembris.

III. Kl. Decembris.^m Les 4 alinéas sont regroupés par une accolade suivie de Parisius propter pallamentum. .

Parisius, propter pallamentum.

II. Kl. Decembris. In festo Sancti Andree, apostoli, Parisius.

Kl. Decembris.

IIII. Non. Decembris.

III. Non. Decembris.

II. Non. Decembris.

Non. Decembris.ⁿ Les 4 alinéas sont regroupés par une accolade suivie de Parisius propter pallamentum. .

Parisius, propter pallamentum.

VIII. Idus. Decembris. In festo Sancti Nicholai, Parisius, propter pallamentum.

VII. Idus. Decembris. Parisius.

VI. Idus. Decembris. In conceptione Beate Marie, celebravimus missam in ecclesia Sancti Severini, in festo
nationis Normanniae.

V. Idus. Decembris. Parisius.

IIII. Idus. Decembris. Apud Pissiacum.

III. Idus. Decembris.

Gisetium.^oDeux croix..

III. Idus. Decembris. Procurati fuimus apud Gisetium. Summa procurationis ***^p Somme encadrée...

II. Idus. Decembris. Per Dei gratiam, visitavimus dictum prioratum. Ibi erant septem monachi
Sancti Petri Carnotensis, videlicet, Johannes, prior, Gaufridus de Carnoto, Bartholomeus de Aneto,
Egidius Iunior, Guillelmus Avis, Stephanus Lamberti, Laurentius de Carnoto. Omnes erant
sacerdotes, preter Egidium Iuniorem. Non servabant ieiunia regule et utebantur carnibus aliquo
ciens, preter necessitatem. Elemosina dabatur ter in ebdomada omnibus venientibus ad eam. Debebant
lx libras. Ipsa die, videlicet in festo Beate Lucie, pernoctavimus apud Vernonem.

In die conceptionis, contulimus prebendam quindecim marcharum magistro Johanni dicto de
Gallandia.

{325v} Idus. Decembris. Apud Gaillonem.

XIX. Kl. Januarii. Apud Pyntarvillam.

XVII. Kl. Januarii. Apud Maretot.

XVI. Kl. Januarii. Apud Deivillam.

XV. Kl. Januarii. Per Dei gratiam, celebravimus sacros ordines in monasterio predicatorum
Rothomagensium et comedimus cum eisdem ea die et pernoctavimus in manerio nostro Rothomagensi .

XIIII. Kl. Januarii. Per Dei gratiam, predicavimus in ecclesia Rothomagensi, et pernoctavimus ibidem.

XIII. Kl. Januarii. Comedimus cum fratribus minoribus Rothomagensibus.

De magistro Ph., parrochia de Estrucart.

Ipsa die, coram nobis constitutus magister Ph. de Valbadon, emendavit nobis quod se non
non representaverat ad ordines ; de qua emenda extitit fideiussor magister Guillelmus
de Porpicie.

Ea die, pernoctavimus apud Deivillam.

XII. Kl. Januarii. Videlicet in festo Beati Thome apostoli, apud Deivillam.

XI. Kl. Januarii. Ibidem.

X. Kl. Januarii. Fecimus nostrum O. in Rothomagensi ecclesia, Domino adiuvante.

Magdalene Rothomagensem.

IX. Kl. Januarii. Videlicet in vigilia nativitatis Domini, per Dei gratiam, visitavimus domum
Dei Rothomagensem. Ibi erant octo canonici residentes, priore computato, et octo in obedien
ciis extra, sorores xxii, conversi tres, undecim ancille. Precepimus priori et priorisse quod
frequenter canonicorum archas inspicerent et sororum. Tredecim vicibus in anno debent confi
teri sorores et communicare. Item precepimus priori quod frequentius solito faceret fieri ser
mones inter infirmos. Debebant circa quingentas libras ; plus debebatur eis.
Invenimus fratrem Johannem, canonicum, dictum magnum, graviter de incontinencia diffa
matum. Invenimus etiam quod male se habuerat apud Fovillam et apud Hotot incontinen
ter vivendo et res a domo illicite absportando ; et nos indiximus ei purgationem
propter hoc canonice faciendam infra purificationem Beate Marie subsequentem, et precepimus priori quod
cum mitteret ad Montem Leprosorum, moraturum ibidem usque ad dictam purificationem, et interim se
purgaret.

VIII. Kl. Januarii. Celebravimus, per Dei gratiam, festum nativitatis Rothomagi.

Ipsa die, contulimus magistro Ingerranno de Estrepegi
niaco prebendam quam quondam obtinuit in ecclesia Rothomagensi
penitentiarius Guillelmus.

VII. Kl. Januarii.

VI. Kl. Januarii.^q Les 2 alinéas sont regroupés par une accolade suivie de Apud Deivillam. .

Apud Deivillam.

V. Kl. Januarii. In festo Innocentium, apud Deivillam et tunc ibidem permutavimus
magistro Radulpho de Cotevrart prebendam que fuit magistri Ade Rigaudi, cum fructibus
prebende quam habebat idem R. apud Viciacum^rIncertitude.., quam simuliter permutavimus magistro Roberto
Malet cum fructibus prebende quam habebat.

Sanctus Wandregisilius.^sDeux croix..

IIII. Kl. Januarii. Apud Sanctum Wandregilium, cum expensis nostris.

III. Kl. Januarii. Per Dei gratiam, visitavimus abbatiam dicti loci sermone a nobis in capitulo
prius facto. Ibi erant xl monachi commorantes, extra in prioratibus xxiii, et duo in
curia Romana. Omnes commorantes erant sacerdotes, preter sex. In visitatione precedenti, de
communi assensu abbatis et conventus, ordinaveramus quod coquinarius reciperet redditus
{326r} deputatos et appropriatos infirmarie, et infirmis omnia necessaria ministraret.
Ista tamen ordinatio nundum fuit servata. Debebant circa vc libras ; habebant estaura
menta satis ad annum, ut credebant. Alia, per Dei gratiam, invenimus in bono statu.
Demum autem abbatem rogavimus ut curialius solito se haberet erga monachos, vocando
secum infirmiores et debiliores et illos quos recreatione crederet indigere. Item, quod circa promotionem
operis monasterii sui sollicitius solito se haberet dando largius quam solebat.

Ipsa die, procurati fuimus ibidem. Summa procurationis *** ^t Somme encadrée..

Votum.^uCroix..

II. Kl. Januarii. Apud Votum, Cisterciensis ordinis, cum expensis abbacie.

Kl. Januarii. Videlicet in circoncisione Domini, predicavimus in ecclesia Sancti Dyonisii apud Insulam
Bonam.

Guirardivilla.^vDeux croix..

IIII. Non. Januarii. Procurati fuimus apud Guirardivillam. Summa procurationis, viii
libre xv solidi^w Somme encadrée...

III. Non. Januarii. Per Dei gratiam, visitavimus prioratum predictum. Ibi erant xi canonici commoran
tes, extra octo. Precepimus priori quod numerum canonicorum residentium augeret. Unus non cla
mat alium. Hoc precepimus sicut alias pluries fecimus emendari. Item, quod prior sepius
solito inspiceret archas canonicorum. Debebant iic l libras turonenses ; habebant estauramenta satis
ad annum.

Monasterium Villare.

Ipsa die, fuimus apud Monasterium Villare, cum expensis nostris.

Ipsa die, contulimus ecclesiam Sancti Machuti^xIncertitude.. magistro Johanni de
Omerivilla.

II. Non. Januarii. Per Dei gratiam, visitavimus abbatiam predictam, verbo Dei, ipso adiuvante,
in capitulo dicti loci a nobis prius proposito. Ibi erant lxi moniales, debent esse lxa
ex numero statuto, sed legatus unam illic posuerat, videlicet filiam Theobaldi Mauri
cii servientis domini regis. Debent adminus semel quolibet mense confiteri et
communicare. Inhibuimus, sicut alias fecimus ne comas sive tricas nutrirent, et ne
pelliciis de scurellis sive de griso, corrigiis ferratis et nimis curiosis uterentur.
Item, precepimus abbatisse et priorisse quod frequentius solito archas monialium inspicerent.
Item, precepimus quod in refectorio et infirmaria fragmenta sollicitus et melius solito
colligerentur et custodirentur. Ter in ebdomada datur ibi elemosina omnibus venientibus ad
eam. Tenetur nichilominus abbatissa singulis diebus tenere tredecim pauperes, de an
tiqua consuetudine Aelidis abbatisse. Item, quia invenimus quod quando aliquas moni
ales contingebat infirmarie interesse, propter recreationes seu leves infirmitates.
Comedebant per conventicula et segregatim, inhibuimus hoc amplius fieri et
precepimus quod simul comederent. Debebantur eis plura quam deberent. Item, prece
pimus abbatisse quod adeo provide pellicias et vestimenta monialium faceret reparari, quod
ea posset eis congruentius solito ministrare et plures operarios quam solebat
haberet. In hoc enim invenimus defectum.

Ipsa die, procurati fuimus ibidem.

Walemont.^yDeux croix..

Non. Januarii. Procurati fuimus apud Walemont. Summa procurationis ***^z Somme encadrée...

VIII. Id. Januarii. Videlicet in die epyphanie, per Dei gratiam, celebravimus magnam
missam, predicavimus et visitavimus in abbatia predicta. Ibi erant xxv monachi
commorantes et duo fatui monachi, duo in Anglia, duo extra in obedientia quadam
in Normannia, unus cum domino de Estoutevilla. Unus non clamabat alium, precepimus
{326v} hoc emendari. Item, precepimus expresse, sicut alias fecimus, quod statuta pape Gregorii, sepius
solito in capitulo legerentur. Item, precepimus abbati quod secum haberet priorem vel aliquem
alium de conventu in compotis faciendis. Debebantur eis ducente libre et debebant centum
libras, et habebant estauramenta satis ad annum.

Ipsa die, fuimus ibi, cum expensis nostris.

VII. Id. Januarii. Per Dei gratiam, reconciliavimus ecclesiam de Carevilla in decanatu de Fovilla,
que per effusionem sanguinis fuerat violata.

Estoutevilla.^aaDeux croix..

Ipsa die, cum Dei adiutorio, accessimus ad prioratum sive domum de Estoutevilla, et
invenimus locum illum multipliciter in temporalibus et spiritualibus deformatum. Erant enim
ibi duo monachi de Leaus, qui duntaxat habebant pro victu suo qualibet ebdomada xx solidos.
Eadem die, procurati fuimus a Nicholao, presbyter de Estoutevilla, Roberto Le Noisdier et Guillelmo
Pencier, tunctemporis firmariis dicte domus, in prioratu de Ouvilla. Summa procurationis, x libre
ix denarii.

Ouvilla.^abDeux croix..

VI. Id. Januarii. Per Dei gratiam, in prioratu de Ouvilla constituti, quia nos
inveneramus prioratum de Estoutevilla ruinosum et fere omni providencia destitutum,
iniunximus dictis firmariis sub iuramento ab ipsis prestito coram nobis, ne magistro

Gileberto
de Wyauvilla, qui dictam domum habebat ad dies suos, solverent novies viginti libras in qui
bus eidem tenebantur per annum ratione firme predicte, nec alicui alii exinde traderent aliquid,
nisi monachis duobus inibi degentibus quod habere debebant, et decem libras et novem denarios
pro procuratione nostra, ac etiam id quod apponere debebant in refectione manerii predicti ex
conventione habita inter eos.

Ipsa die, per Dei gratiam, visitavimus prioratum de Ouvilla. Ibi erant x cano
nici commorantes. Unus erat apud ***et alius quidam [sic] [quidam alius] apud. Unus non clamabat
alium. Preceperamus in alia visitatione priori quod ipse de quodam ordinario provideret conventui
quo plurimum indigebant, quod quidem facere pretermisit, et hoc idem iterum precepimus eidem.
Item precepimus ei quod claves amoveret. Item, precepimus fratri Johanni de Evrardimesnillo quod redditus
domus conscriberet in quaternis duobus, quorum unum haberet prior et alterum aliquis electus
a conventu. Debebant vixx libras ; habebant estauramenta satis ad annum, preter potum, videlicet vinum et cervisiam.

Ipsa die, procurati fuimus ibidem. Summa procurationis, x libre v solidi^ac Somme entourée...

V. Id. Januarii.

IIII. Id. Januarii.

III. Id. Januarii.

II. Id. Januarii.

Id. Januarii.

XIX. Kl. Februarii.^ad Les 6 alinéas sont regroupés par une accolade suivie de Apud Alacrem Montem. .

Apud Alacrem Montem.

Ipsa die, comparuit coram nobis Johannes de Estren, armiger, qui pro eo quod impedivit et pertur
bavit quominus ecclesiam de Estren, cuius ius patronatus ad nos dinoscitur pertinere, possemus
conferre libere, et personam a nobis inibi institutam quominus posset in ea, personaliter residere, ex
comunicatus extitit et longo tempore excomunicationem animo sustinuit indurato. Tandem autem, ad cor re
diens, absolutionis sue beneficium impetruvit, et eidem iniunximus quod unam processionem faceret in
ecclesia Rothomagensi et aliam in ecclesia de Estren, per duos dies dominicos vel sollempnes, nudus
pedes, in pura camisia et bracis, virgas disciplinales tenens in manibus, et reatum
suum publice recognoscens, disciplinam petendo ; eidem nichilominus dedimus crucem quam
petivit humiliter et devote.

{327r} XVIII. Kl. Februarii.

XVII. Kl. Februarii.

XVI. Kl. Februarii.

XV. Kl. Februarii.

XIIII. Kl. Februarii.

XIII. Kl. Februarii. In festo Beatorum Fabiani et Sebastiani.^ae Les 6 alinéas sont regroupés par une accolade suivie de Apud Alacrem Montem. .

Apud Alacrem Montem.

Wanchy.^afCroix..

Ipsa die, per Dei gratiam, visitavimus domum de Wanchy, et ibidem confirmavimus in parro
chiali ecclesia dicti loci, et pernoctavimus apud Alacrem Montem, ubi procurati fuimus a Ricardo
Boullon, firmario de Wanchy. Summa, x libre vi solidi iii denarii^ag Somme encadrée...

Bures.^ahDeux croix..

XII. Kl. Februarii. Procurati fuimus apud Buras. Summa procurationis, viii libre vi solidi^ai Somme encadrée. ..

XI. Kl. Februarii. Per Dei gratiam, visitavimus prioratum predictum. Ibi erant duo mona
chi de Prato, quorum unus tanquam prior gerit curam domus, et amministrationem hanc habebat
a priore de Prato ad voluntatem eiusdem prioris, et debent ibi esse duo monachi semper. Utebantur
carnibus et culcitrix, circa que et circa ieiunia statuta regule non servabant. Ter in ebdomada datur
ibi elemosina omnibus venientibus ad eam. Nichil debebant, et nichil debebatur eis similiter, quia to
tum tenentur reddere priori de Prato quod ultra victum suum et familie eorum superest eisdem.***

Moniales Sancti Sydonii.^ajCroix..

Ipsa die, per Dei gratiam, accessimus ad prioratum monialium Sancti Sydonii, et verbo Dei a nobis
prius proposito, visitavimus eas. Ibi erant xviii moniales, una earum erat novicia et minima.
Petronilla Drocensis, celleraria, erat plurimum diffamata de Radulpho, quodam valleto qui ser
vierat eis in augusto. Debebant circa c libras. Alia, per Dei gratiam, invenimus in bono statu.

Ipsa die, fuimus in prioratu monachorum, cum expensis nostris.

Sanctus Sydonius.^akDeux croix..

X. Kl. Februarii. Per Dei gratiam, predicavimus et confirmavimus in parrochiali ecclesia dicti loci.

Summa procurationis, ix libre x solidi^al Somme entourée...

IX. Kl. Februarii. Per Dei gratiam, visitavimus prioratum predictum. Ibi erat iiiior mona
chi Sancti Wandregisili, videlicet fratres Herbertus, prior, Radulphus de Mantevilla, Guillelmus
de Parco de Ansoltot, Rogerus de Lympevilla. Utebantur culcitris et carnibus, preter necessi
tatem, de consciencia abbatis, ut dicebant. Prior raro celebrabat. Plura debebantur eis quam de
berent.

Ipsa die, fuimus apud Deivillam, cum expensis nostris.

VIII. Kl. Februarii. Videlicet in conversione Sancti Pauli, apud Deivillam.

VII. Kl. Februarii.

VI. Kl. Februarii.

V. Kl. Februarii.^am Les 3 alinéas sont regroupés par une accolade suivie de Apud Maretot. .

Apud Maretot ^[1]Travail
Sans doute au manoir des religieux du Bec Helluin. Encoder ?.

IIII. Kl. Februarii.

III. Kl. Februarii.

II. Kl. Februarii.^an Les 3 alinéas sont regroupés par une accolade suivie de Apud Pyntardivillam. .

Apud Pyntardivillam.

Kl. Februarii. Apud Gaillon.

IIII. Non. Februarii. Videlicet in purificatione Beate Marie, celebravimus missam, per
Dei gratiam, et predicavimus in ecclesia canonicorum de Gaillone, et fuimus in castro nostro
dicti loci ea die.

III. Non. Februarii. Procurati fuimus apud Gaany.

Summa procurationis, viii libre.^ao Somme encadrée. .

{327v} Gaaniacum.^apDeux croix..

II. Non. Februarii. Per Dei gratiam, presente abbate Sancti Audoeni Rothomagensis, visita
vimus prioratum de Gaany. Ibi erant, videlicet in manerio iuxta parrochialem
ecclesiam ville^[2]Travail
Manoir et prieuré = sans doute la même chose, in quo ad procurationem recipi consuevimus, tres monachi Sancti Audoeni Rothomagensis,
scilicet, fratres Johannes de Fontibus in Brayo, prior, Gaufridus de Neynvilla, et Jo
hannes de Belvaco. Manebant ultra aquam in prioratu Sancti Nigasii. Dicebant sepius
horas suas sine nota. Non servabant ieiunia regule. Utebantur carnibus preter necessitatem.
Precepimus priori quod sepius solito satageret celebrare. Item, precepimus eidem quod
vetera vestimenta monachorum reciperet et repeteret cum eis nova ministraret. Item,
precepimus eidem expresse quod aliquod decens repositorium fieri faceret, ubi reverenter
et honorifice corpus Domini collocaretur super altare, vel iuxta, et singulis dominicis hostia
renovaretur. In manerio vero ubi recipi consuevimus, nichil de divino officio faciebant,
et tenebant ibi multum familiam et nutrimenta animalium. Multa habebant ; nichil
debebant, et nichil debebatur eis, quia totum reddere tenebantur abbacie quod ultra victum suum et
familie sue poterant reservare.

Velliacum.^aqDeux croix..

Ipsa die, procurati fuimus apud Velliacum. Summa procurationis, vii libre xvi solidi^ar Somme encadrée...***

Calvus Mons.^asDeux croix..

Non. Februarii. Procurati fuimus apud Calvum Montem in Alleria. Summa procurationis, viii
libre v solidi^at Somme encadrée...

VIII. Idus. Februarii. Per Dei gratiam, visitavimus dictum prioratum. Ibi erant
tres monachi Sancti Geremari Flaviacensis, videlicet, fratres Petrus de Osmont, nepos abbatis, tunc
prior novus, Johannes de Calvo Monte, Guillelmus de Sancto Geremaro. Non servabant ieiunia
regule propter hospites, ut dicebant, et utebantur preter necessitatem carnibus. Domus gravata fuerat
plurimum et debitis multis onerata a tempore prioris Petri. Bis in ebdomada fit ibi elemosina
generalis, videlicet omnibus venientibus ad eam, hora certa. Debebant xixx libras ; habebant estau
ramenta satis ad annum. Campanile discoopertum fuerat multis annis adeo defor
miter et indecenter quod merrenno et testudinibus monasterii, propter distillationes, peri
culum imminebat ; circa quod nundum fuerat consilium aliquod appositum, licet precepissemus
hoc pluries emendari per archidiaconum. Debuimus facere compelli per archidiaconum parrochianos loci
ad contribuendum pro rata eorum quemlibet contingente.***

Serantium Buticularii.^auCroix..

Ipsa die, per Dei gratiam, celebravimus missam parrochialem apud Serantium et confirma
vimus ibidem et fuimus cum expensis nostris excepto quod habuimus a priore lxx solidos parisienses, quos habere
debemus annuatim semel cum ad locum divertimus, cum lignis et quibusdam aliis, secundum quod in carta continetur.

VII. Id. Februarii. Per Dei gratiam, visitavimus prioratum predictum. Invenimus eum miserabili
ter deformatum. Erant ibi duo monachi Sancti Geremari Flaviacensis, fratres Adam de Omeri
cort, prior, et Adam de Bretuel. Non servabant ieiunia regule. Utebantur carnibus preter
necessitatem. Prior raro aut nunquam celebrabat, precepimus ei quod sepius solito satageret celebra
re. Debebant xiiiixx libras et quindecim modios tam bladi quam avene. Pauca habebant
estauramenta.***

Pasnes.^avDeux croix..

Eadem die, per Dei gratiam, visitavimus prioratum de Pasnes. Ibi erant quatuor
monachi Sancti Ebrulphi, videlicet fratres Guillelmus de Novo Mercato, prior Nicholaus
dictus Orphannus, Johannes de Presbyteri Villa, Johannes de Ducler. Servabant ieiunia
regule satis bene, excepto quod in ipsis ieiuniis carnibus vescebantur. Debebant lxiiii
libras. Alia, per Dei gratiam, invenimus in bono statu. Ipsa die, procurati fuimus
ibidem. Summa procurationis viii libre
xii solidi^aw Somme encadrée..

{328r} VI. Id. Februarii. Apud Fraxinos, cum expensis nostris.

Andeleium.

V. Id. Februarii. Per Dei gratiam, reconciliavimus cimiterium Beate Marie de Andeleio,
quod sanguine fuerat violatum, et statim, ipso Domino adiuvante, proposuimus ver
bum eius in camera superiori, in manerio nostro iuxta ecclesiam dicti loci, astantibus ibidem
coram nobis canonicis, capellanis et clericis chori. Sunt ibi sex canonici, quorum quatuor
residebant ibidem, videlicet, dominus Johannes de Modiis, qui tunc graviter infirmabatur ma
gistri, Radulphus de Salomonis Villa et Johannes dictus de Yspania ; quartus erat Rome, magister Petrus de Ferentino ; quintus
erat magister Symon, officialis Pontisarensis, et Henricus, elemosinarius noster, sextus. Quatu
or erant ibi presbyteri vicarii, e quibus unus continue debet deservire in ecclesia de Cul
tura et hii quatuor debent onera parrochie supportare. Duo alii vicarii erant ibi,
unus dyaconus et alius subdyaconus, qui quidem singulis diebus tenentur se revesti
re in missa magna. Decanus habet curam canonicorum, capellanorum et clericorum
chori ecclesie, et omnium hominum ville et quarumdam villarum adiacentium. Sacrista tenetur
semper iacere in vestibulo et tenere scolas cantus. Non habebant sufficientes libros.
Invenimus quod quidam ex ipsis divinum officium turbaverant, murmurando in cho
ro derisorie, a quo omnibus generaliter iniunximus abstinere Item, quod melius solito revereren
tur decano et obedirent ei ut debebant. Johannes Vitrearius dyaconus, non confitebatur deca
no nec petebat unquam ab eo licentiam alii confitendi. Monuimus eum, quod se super hoc emen
daret. Item, precepimus domino Petro Robillart quod quendam clericum Britonem inhonestum, deser
vientem in ecclesia de Cultura pro ipso, amoveret, et alium honestiorem eo ibi poneret. Item, con
cessimus eis quod habere possent cimiterium apud Culturam, ubi sepelirentur corpora parrochiano
rum degentium ibidem et corpora domus Dei. Item, ordinatum fuit, de communi consensu
eorum, quod vina et blada communie, statim cum collecta essent venderentur. Ita quod exinde procura
tor communie posset sin^ax Trou .gulis satisfacere de stipendiis cotidianis, prout esset facien
dum. Item, actum fuit quod canonici nichil solverent in curia decani, ratione sigilli,
pro negotiis propriis neque pro negotiis pertinentibus ad communiam. Inhibuimus eis
ne mulieres permitterent comedere apud eos. Ipsa die, pernoctavimus apud Fraxinos,
cum expensis nostris.^ayCroix dans la marge droite..

Sancta Katherina.^azDeux croix..

IIII. Id. Februarii. Procurati fuimus apud Sanctam Katherinam supra Rothomagum.

Summa procurationis, ix libre xii solidi^ba Somme encadrée..

III. Id. Februarii. Per Dei gratiam, visitavimus abbatiam predictam, verbo Dei, cum eius adiutorio,
a nobis in capitulo ipsius loci prius proposito. Ibi erant xxx monachi commorantes, duo
Parisius scolares, xiiii in prioratu de Blida in Anglia, et aliquot in locis aliis in
Normannia ; apud Hermondezourdes^bbA déterminer.., duo in Anglia. Omnes commorantes erant sacerdo
tes, preter duos. Particulares compoti consueverunt fieri semel quolibet mense
coram maioribus electis a conventu. Plura debebantur eis quam deberent. Alia, per Dei
gratiam, invenimus in bono statu. Ipsa die, procurati fuimus apud Sanctum Laudum.

Sanctus Laudus Rothomagensis.^bcDeux croix..

II. Id. Februarii. Per Dei gratiam, visitavimus prioratum predictum, verbo Dei, ipso
adiuvante a nobis prius proposito in capitulo dicti loci. Ibi erant xviii canonici
commorantes computato priore, quorum tres erant novicii. Unus erat in in
firmaria cetus, duo erant apud Cressy et duo apud Temericort. De
bebant iiiic libras ; habebant estauramenta et bona multa de annata. Alia, per
dei gratiam, invenimus in bono statu. Summa procurationis, ix libre xvi solidi^bd Somme encadrée..

{328v} II. Id. Februarii. Fuimus in manerio nostro Rothomagensi, cum expensis nostris.

Id. Februarii. Videlicet dominica septuagesime, predicavimus in ecclesia Rothomagensi, et fuimus in
nostro  [sic] [manerio] Rothomagensi ea die cum expensis nostris.

XVI. Kl. Martii.

XV. Kl. Martii.

XIIII. Kl. Martii.

XIII. Kl. Martii.^be Les 4 alinéas sont regroupés par une accolade suivie de Apud Maretot. .

Apud Maretot.

Noion super Andellam.^bfDeux croix..

XII. Kl. Martii.

XI. Kl. Martii. Per Dei gratiam, visitavimus prioratum predictum. Ibi
erant sex monachi Sancti Ebrulphi videlicet, fratres Jordanus, prior, Thomas de Silly, ma
gister Thomas Surdus, Johannes de Bosco Hugonis, Robertus de Manlia, Hugo de Brithulio. Ali
quando carnibus vescebantur preter necessitatem. Debebant circa iic libras et abbati suo lx libras,
excepto quod exinde habuerat decem marchas stellingorum. Habebant estauramenta satis
ad annum. Alia, per Dei gratiam, invenimus in bono statu. Prior illuc de novo venerat.^bg Les 2 alinéas sont regroupés par une accolade suivie de Procurati fuimus apud Noionem super Andelam. .

Procurati fuimus apud Noionem super Andelam.

Summa procurationis.^bhSomme encadrée..

Piros.^biDeux croix..

Ipsa die, procurati fuimus apud Piros a firmario eiusdem loci. Summa procurationis^bj Somme encadrée ..

X. Kl. Martii. Predicavimus et confirmavimus in ecclesia de Grainvilla, et pernoctavimus
apud  [sic] [Maigniacum] ^[3]Travail
Au prieuré Notre-Dame ?.

IX. Kl. Martii. Apud Maigniacum.

Sanctus Petrus Pontisarensis.^bkCroix..

VIII. Kl. Martii. Apud Pontisaram, videlicet in cathedra Sancti Petri^[4]Travail
Terme de cathedra intéressant, cum expensis.

VII. Kl. Martii. Per Dei gratiam, visitavimus prioratum Sancti Petri. Ibi erant
sex monachi de Becco Helluini, videlicet, fratres Guillelmus de Sancto Clodoaldo in Alvia^blIncertitude.., prior, Philippus de Chambliaco, Guillelmus de Neinvilla, Ricardus Hurel, qui
erat paraliticus, Gaufridus de Angovilla, Petrus de Menillo. Omnes erant sa
cerdotes. Statum domus circa spiritualia et temporalia. [illisible] Invenimus, per Dei gratiam,
bonum esse. Verumtamen debebant circa decem libras.***

Domus Dei Pontisanresis.^bmCroix..

Ea die per Dei gratiam visitavimus domum Dei de Pontisara, proposito prius a nobis ibi
verbo Dei. Ibi invenimus quendam presbyterum secularem rectorem et magistrum domus a
domino rege constitutum, videlicet dominum Johannem de Fenins, canonicum Sancti Melloni, qui uti
tenetur consilio priorisse circa amministrationem bonorum dicte domus. Erant ibi quatuordecim
sorores, duo presbyteri in habitu regulari, et unus alius presbyter qui celebrabat in capella castri.
Dicti duo presbyteri nundum emiserant professionem aliquam et nesciebant qualiter se habere debebant.
Verumtamen, de concensu priorisse et ipsorum ordinavimus quod tunicam albam seu habitum album
deferrent sub superliciis et cappam nigram desuper, debuimus consulere dominum regem
sub qua regula vivere deberent. Sorores debent se regere secundum regulam Beati Augu
stini et emiserant tria vota. Magister predictus habebat curam animarum omnium inhabitan
tium dictam domum, tam sanorum quam infirmorum. Debebant c libras parisienses, ratione cuiusdam
emptionis, domino Gaufrido de Capella, militi, et alibi per villam l libras.

Ipsa die, pernoctavimus apud Sanctum Martinum, cum expensis nostris.

Capitulum Sancti Melloni.^bnDeux croix..

VI. Kl. Martii. Videlicet in festo Beati Mathie apostoli celebravimus magnam missam in
{329r} ecclesia Sancti Melloni et predicavimus ibi astantibus canonicis, capellanis et vicariis tunc resi
dentibus in ecclesia memorata. Quibus actis, accessimus ad domum quandam prope ecclesiam in
qua canonici consueverunt capitulum suum tenere, et dictis canonicis, capellanis, vicariis coram nobis inibi
congregatis, processimus ad visitationem. Invenimus enim ibi unicum canonicum residentem,
videlicet dominum Johannem de Fenins, rectorem domus Dei eiusdem loci, decanus aberat.
Invenimus etiam ibi magnum defectum circa pallas altarium, albas et rochetos propter quod prece
pimus magistro Symoni, vicario nostro presenti quod tantum saisiret de bonis canonicorum,
unde posset de predictis ecclesie providere. Item, stillicidium et vitrea supra altare Sancti Jo
hannis reparatione necessaria indigebant, et tunc remedium apponi precepimus circa ea. Item con
questi fuerunt nobis vicarii et capellani quod Sancti Machuti et Sancti Andree presbyteri non vene
bant ad ecclesiam Sancti Melloni, facturi more solito orationem dicti sancti sicut tenebantur, et canta
turi tercium responsorium, et tunc precepimus dicto vicario nostro quod disceret quid hoc esset.
Decani et canonici litigabant cum vicariis super domo que dicitur domus capituli, et super
hoc inter ipsos contentio magna erat coram officiali Suessionensi, per litteras domini lega
ti, quarum auctoritate decanus et canonici traxerant vicarios illuc in causam, quod nobis multum
displicuit, et tunc mandavimus decano et canonicis rogando quod ab huiusmodi vexatione desiste
rent, et coram vicario nostro super hoc litigarent. Ipsa die, fuimus apud
Sanctum Martinum ubi habuimus a capitulo Sancti Melloni c solidos parisienses, in quibus nobis
semel annuatim tenentur nomine procurationis quando visitamus ecclesiam eorum, cum qui
bus etiam tenentur nobis ministrare hospicium paratum, lectos, ciphos, scutellos,
potos et communia utensilia ad coquinam.

Nota : de pall. albus et
rochetis.

De stillicidum et vi
trea.

De contentione canonicis
et vicaris.

De prebyteri sanctorum ma
chuti et andree.

Leonis Curia.

V. Kl. Martii. Per Dei gratiam, accessimus ad prioratum de Leonis Curia, ubi
habere debemus annuatim nomine procurationis quatuor libras parisienses, cum domi
bus et utensilibus domus, et pernoctavimus ibidem.

IIII. Kl. Martii. Per Dei gratiam, visitavimus prioratum predictum. Invenimus enim
eum in spiritualibus et temporalibus miserabiliter deformatum. Ibi erant tres mona
chi Sancti Petri Carnotensis, scilicet, fratres Philippus de Fonteneto prior, Gaufridus de
Sancto Martino, Matheus de Alona. Prior erat excomunicatus ob defectum solutionis de
cime. Alii duo predicti minus honeste et religiose se habuerant et habebant in
omnibus. Scripsimus abbati super ipsis revocandis ad claustrum et aliis maturioribus
et honestioribus illis illuc mittendis. Nichil de divino officio faciebant. Debebant
iic libras [illisible] ; pauca, [illisible] immo nulla habebant estauramenta.

Ipsa die, pernoctavimus apud Estrepeigniacum, in manerio domini de Danguto, cum expen
sis nostris.

III. Kl. Martii.

II. Kl. Martii.^bo Les 4 alinéas sont regroupés par une accolade suivie de Apud Fraxinos. .

Apud Fraxinos.

Kl. Martii. Apud Sanctam Katherinam, cum expensis nostris.

VI. Non. Martii. Videlicet in die cinerum, celebravimus officium diei, per dei gratiam, in
ecclesia Rothomagensi, et pernoctavimus in manerio nostro.

{329v} V. Non. Martii.

IIII. Non. Martii.^bp Les 2 alinéas sont regroupés par une accolade suivie de Apud Deivillam. .

Apud Deivillam.

III. Non. Martii. Rothomagi.

II. Non. Martii. Per Dei gratiam predicavimus in ecclesia Rothomagensi, et pernoctavimus in manerio nostro, videlicet dominica prima quadragesime.

Non. Martii. Apud Deivillam.

Bondevilla.

VIII. Id. Martii. Per Dei gratiam, visitavimus prioratum monialium de Bondevilla, verbo Dei,
eodem adiuvante in capitulo eiusdem loci prius proposito a nobis. Ibi erant xxxa moniales, iiiior con
verse, tres conversi quedam iuvencule erant ibi quasi in custodia, filie burgensium Rothomagensium
quod nobis displicuit ; duo erant ibi presbyteri in habitu religioso, quatuor ancille seculares. Item,
displicuit nobis quod in furno pluries conveniebant moniales alique. Debebant circa vixx
x libras ; debebantur eis lx libre. Habebant estauramenta ad annum, ut dicebant. Demum autem ac
cepit veniam suam priorissa super eo quod contra inhibitionem nostram permiserat manducare et conve
nire in furno et eidem penitentiam iniunximus propter hoc necnon et pro eo quod quandam receperat preter
nostram licenciam specialem que quidem nundum vestita erat, videlicet, Johennetam, sororem Audul
phi de Guerris, armigeri, quam etiam inhibuimus vestiri sine nostra licencia speciali.
Inhibuimus nichilominus, sicut alias fecimus, ne aliquam aliam reciperent absque nostra
consciencia et assensu. Illam dominam de Rothomago, videlicet, Laurentiam dictam qua
tuor Homines, abinde precepimus amoveri.

Ipsa die, pernoctavimus apud Deivillam, cum expensis nostris.

Nota : de Furno.

Nota : de.

Nota : de quadam ? existetere
cum eis in habitu seculari.

Bellus Locus.^bqDeux croix..

VII. Id. Martii. Procurati fuimus apud Bellum Locum. Summa procurationis, viii
libre viii solidi ii denarii^br Somme encadrée...

VI. Id. Martii. Per Dei gratiam, visitavimus dictum prioratum.
Ibi erant xiii canonici commorantes. Omnes erant sacerdotes, extra in obedientiis erant x.
Inhibuimus ne seculares haberent colloquium cura canonicis in claustro. Duo erant conversi,
quoram unus vinolentus et ebriosus, una erat conversa. Ter in ebdomada fit ibi elemosina generalis
omnibus venientibus ad eam. Debebant iiiic et l libras, quarum xiiii libre erant ad usuras.
Bladum et avenam habebant satis fere [sic] [fere satis] ad annum. Unus canonicus erat cum domino de Pra
tellis.

Ipsa die, per Dei gratiam, fuimus apud Maretot.

V. Id. Martii. Ibidem.

IIII. Id. Martii. Cum Dei adiutorio, celebravimus sacros ordines in capella
domini regis apud Pontem Arche, et pernoctavimus apud Maretot,^[5]Travail
Manoir du Bec ? videlicet in festo Beati Gre
gorii.

III. Id. Martii. Per Dei gratiam, predicavimus et confirmavimus apud Alisy, et
pernoctavimus apud Maretot.

II. Id. Martii. Apud Pyntardivillam.

Id. Martii. Apud Gaillonem.

Salicosa.^bsDeux croix..

XVII. Kl. Aprilis. Procurati fuimus apud Salicosam. Summa procurationis, vii libre ix solidi^bt Somme entourée...

XVI. Kl. Aprilis. Per Dei gratiam, visitavimus prioratum predictum, verbo dei, prius in capitulo
eiusdem loci a nobis proposito. Ibi erant xv canonici residentes, quorum quinque erant no
{330r} vicii, et omnes residentes erant sacerdotes, preter illos quinque. Unum autem nobis displicuit videlicet,
quod canonici erant ibi per multus annos antequam facerent professionem, et tunc consuluimus
priori quod elapso anno post ingressum cuiuslibet canonici illum faceret profiteri.
Si ipse ibi vellet morari et mores eius essent convenientes. Unus erat ibi conversus
quatuor converse. Extra erant in obedientiis xv canonici. Item, precepimus priori quod
singulis annis semel faceret afferri et ostendi in capitulo coram conventu omnes
libros prioratus et repeterentur illi qui accomodati essent, donec allati et
visi fuissent in capitulo et conscribantur singuli in quaternis. Bis in ebdomada fit
elemosina ibidem generalis. Debebant viixx libras ; debebantur eis circa iiic libre, in debitis
bene solubilibus. Habebant estauramenta satis ad annum.

Sanctus Martinus in Guarenna.^buDeux croix..

Ipsa die procurati fuimus apud Sanctum Martinum in Guarenna. Summa procurationis,
viii libre iii solidi^bv Somme encadrée. ..

XV. Kl. Aprilis. Per Dei gratiam, visitavimus prioratum predictum. Ibi erant
quatuor monachi de Becco Helluini, debent esse quinque adminus. Omnes erant sacerdotes, videlicet
fratres Radulphus de Brotona, prior, Andreas de Rothomago, Bartholomeus de Meullento, Gaufridus
de Angovilla [sic] [videlicet fratres Radulphus de Brotona, prior, Andreas de Rothomago, Bartholomeus de Meullento, Gaufridus de Angovilla. Debent esse quinque adminus. Omnes erant sacerdotes] . Non multum bene servabant ieiunia regule et aliquotiens vescebantur car
nibus preter necessitatem. Ter in ebdomada fit ibi elemosina generalis. Debebant lxv libras, quarum vi
ginti quinque debebantur abbati, quas idem abbas anno precedenti accommodaverat priori
pro vineis excolendis. Debebant nichilominus adhuc debitum magnum vetus quod
debuerunt abbati Roberto, videlicet, xvixx libras. Habebant, ut credebat prior, estauramen
ta satis ad annum.

Villarciaus.^bwDeux croix..

Ipsa die, per Dei gratiam, accessimus ad prioratum de Villarciaus, et ibidem a nobis verbo Dei,
cum eius adiutorio, in capitulo eiusdem loci proposito, visitavimus. Ibi erant viginti moni
ales commorantes sub certo numero et statuto ; una autem erat ibi expectans locum suum,
videlicet, Perrota de Bosco Arsis quam receperant de licencia et voluntate abbatisse sue ;
quatuor erant ibi converse, quatuor ancille communes ; puelle plures erant ibi seculares
quasi sub custodia quarundam monialium, quod quidem nobis plurimum displicuit. Debe
bant c libras, quarum viginti debebantur Iudeis et Carturcensibus de Medunta sub usuris.
Habebant bladum et avenam satis ad annum si possent reservare, vinum autem non
habebant. Pauco autem tempore interiecto, mandavimus et iniunximus per nostras litteras priorisse quod
omnes et singulas puellas seculares abinde infra octabas instantis pasche omnino faceret
amoveri, et inhibuimus eidem ne aliquam vel aliquas monialem vel  [sic] [monia] les conversam vel  [sic] [conver] sas,
quantumcunque mandatum haberet ab abbatissa de Sancto Cirico, decetero admitteret seu admitti
permitteret absque nostra licencia speciali. Item precepimus eidem quod omni die quo bis in die secundum
regulam suam comedere permittuntur, faceret bis pulsari, videlicet pro prandio et pro cena
ut ad pulsationem hanc convenientius solito in refectorio convenirent ; sepius enim
in cameris segregatim comederant.

Viacum.

Ipsa die, pernoctavimus apud Viacum, ubi dicta die habuimus a presbytero de Guaden
cort unum modium avene in quo nobis  [sic] [tenetur] annuatim semel, cum divertimus et pernoctamus
apud Viacum.

XIIII. Kl. Aprilis. Apud Pissiacum.

{330v} XIII. Kl. Aprilis.

XII. Kl. Aprilis.

XI. Kl. Aprilis.

X. Kl. Aprilis.

IX. Kl. Aprilis.^bx Les 5 alinéas sont regroupés par une accolade suivie de Parisius. .

Parisius.

VIII. Kl. Aprilis. Ibidem videlicet in festo annunciationis dominice. Qua die, dominus rex
Francie et tres eius liberi, scilicet, domini Philippus, Johannes et Petrus, ac plures regni Francie no
biles, comites et barones, et etiam comitissa Flandrie, crucem assumpserunt.

VII. Kl. Aprilis.

VI. Kl. Aprilis.

V. Kl. Aprilis.

IIII. Kl. Aprilis.^by Les 4 alinéas sont regroupés par une accolade suivie de Parisius. .

Parisius.

III. Kl. Aprilis. Apud Sanctum Dyonisium de Strata.

II. Kl. Aprilis. Apud Confflens.

Kl. Aprilis. Apud Charcium.

IIII. Non. Aprilis. Apud Novum Mercatum, cum expensis nostris.

Bellus Beccus.^bzCroix..

III. Non. Aprilis. Apud Bellum Beccum.

II. Non. Aprilis. Apud Grandem Curiam.

Augus.^caCroix..

Non. Aprilis. Apud Augum. Ad quem, locum accessimus ad clamorem plurium, super eo quod
contentio orta erat maxima inter abbatem et conventum eiusdem loci. Qua die, fuimus in
capitulo et audivimus plurima que conventus seu eius maior pars proposuit adversus ab
batem.

VIII. Id. Aprilis. Habito consilio super hiis que die audiveramus precedente de abbate, ordina
vimus et precepimus quod compoti fierent coram priore et suppriore, et duobus aliis electis
communiter ab abbate et conventu, maturioribus et prudentioribus. Item, quod vinum propinaretur
conventui convenienter. Item, quod cellerarius urbanius et honestius solito serviret et
ministraret conventui. Item, quod quidam conversus senex amoveretur ab infirmaria monachorum.
Item, quod haberent consilium medicorum. Item, quod liceret camerario vendere centum libratas
parisienses de nemore tantummodo. Item quod molestia aliqua non inferretur duobus canonicis
qui missi fuerant ad nos pro predictis Parisius a conventu. Iniunximus etiam abbati, et
secreto monuimus eundem, ut melius solito frequentaret conventum, et erga canoni
cos mansuetius se haberet. Ea die, fuimus apud Alacrem Montem.

VII. Id. Aprilis. Apud Belencombre, cum expensis nostris.

VI. Id. Aprilis. Apud Deivillam.

V. Id. Aprilis. Rothomagi.

IIII. Id. Aprilis. Videlicet dominica in ramis palmarum, per Dei gratiam, interfuimus processioni,
et in reditu processionis eiusdem de Sancto Gildardo, fecimus sermonem in atrio, ante fores
ecclesie Rothomagensis, multitudine cleri et populi copiosa inibi congregata, licet sermo consue
visset fieri in atrio Sancti Laurencii, sed inde reversi fuimus ad ecclesiam, pro eo quod non
potuimus commode audiri apud Sanctum Laurencium propter multitudinem astantium et propter esca
foudum male preparatum.

{331r} III. Id. Aprilis. Pransi fuimus cum predicatoribus Rothomagensibus, in refectorio eorundem,
et pernoctavimus apud Deivillam.

II. Id. Aprilis. Apud Deivillam.

Id. Aprilis. Comedimus cum fratribus minoribus Rothomagensibus, et pernoctavimus in manerio nostro Rothomagensi.

XVIII. Kl. Maii. Videlicet in die cene, per Dei gratiam, fecimus absolutiones que
consueverunt fieri illa die, et celebravimus officium crismatis in ecclesia.

XVII. Kl. Maii. Videlicet in die passionis et mortis Domini, celebravimus officium
diei in ecclesia Rothomagensi.

XVI. Kl. Maii. Similiter ibidem celebravimus officium diei.