***^aEspace laissé vierge pour la lettrine qui n'a pas été réalisée.es chosez que lez personnez de l’Eglise sont tenus païer as portes de Rouem que l’en apele les barres^bChaque paragraphe du chapitre débute par une lettrine à l'encre rouge.

La prieuresse de Saint Pol outre Rouem a toutes les barres, xii d. et xii pains a Noel pour toutes les portes.

L’abeesse de Saint Amant de Rouen, ii sonmes d’orge rendues par an a la feste saint Michiel por toutes les portes.

L’abé de Saint Oein de Rouem a a chascune porte chas{Fol. 48, BnF_NAF_10031}cuns troys moys, xxiiii pains, et valent chascun ii pains i d. Item, il doit le diemenche aprés la Saint Oein a chascun barrier i pichier de vin et ii pains dont chascun pain vaut ii d., et un mez de buef et i de port. Item, il doit a icheli diemenche a la viconté de l’eaue de Rouem as diner iiii pains de couvent, iiii pichiers de vin en pos touz nues, ii oves, iiii pouchins, demy carteron de gales et iiii tartes.

Le prieur de Saint Lo de Rouem pour toutes les portes, excepté le pont de Saine, a Noel iiii pichiers de vin, iiii pains dont chascun vaille ii d., et viii mez de char. Et si doit a la^cUn mot a été omis : porte dans les autres versions. du pont de Saine par an deus chapons.

{Fol. 48v, BnF_NAF_10031}L’abbé de Festcamt doit a la porte Biauvoissine une mine de sel, fourment pour aler querre les tourtiaus a Sainte Marie de Foutaines. Et doit le fremier dudit abbé fere rendre au barrier les tourtiaus a ses cous.

Cheus d’Estouteville doivent pour le fié d’Estouteville chascun an lx garbes, ch’est assavoir xx d’avaine, xx d’orge et xx de blé a chascune des portes ; et les doit l’en prendre a la granche monsr Jehan d’Estouteville, chevalier. Item, a la porte Cauchoise xl gerbes de blé ; et sont prises a la granche au comte d’Eu a Rommare. Et de che doivent lez {Fol. 49, BnF_NAF_10031}fremiers des portes i setier de vin en ii cans vergines et une loigues de buef. Item, a la porte Cauchoise, de la granche a la dame de Courcheles, xx garbes de blé ; de che doit l’en a ladite dame xviii d.

L’abbé de Jumieges doit a la porte Cauchoise i setier de vin, viii pains et viii mez de char, i quarteron de harent, i setier d’orge et ix bachins d’avaine qui se doivent monter a i boissel d’avaine.

Les giens de Rouen doivent chascun v l. a Noel a toutes les portes pour tout l’an.