{Fol. 13v, BnF_NAF_10031}De liage, la coustume. xi

Il est une coustume que l’en apele deslyage, que l’en doit prendre le plus prochain vendredi aprés ou devant la Saint Andrieu a la volenté des vicontes. Et che qui adont vendra a col s’aquitera par iiii d. et as sergans i d. A quarete par xvi d. et as sergans i d. Pour chascune quarete a i cheval, ii d. Pour chascune gerbe d’achier a cheval, i d., tout soit il avec mercherie ou evre de forge. Pour guinple de soie ou de tex choses, i d. Pour mercherie en nef, viii d. Pour chascun cheval trespasant {Fol. 14, BnF_NAF_10031}par la ville de Rouem et il eyt bas, i d. Pour chascun bacon acheté hors et ens, i d. Pour tapis de fil Rains, viii d. Pour tapis de fil, i d. Pour une coute de plume, iiii d. Pour i quevecheul de plume, ii d. se il est^ase il n'est dans B. avec la coute. Et se il est avec la coute, il ne doit riens quer la coute l’aquitent. La huche ou le buffet a clef, iiii d. Se aucun porte huche ou buffet a clef hors de la ville, il doit iiii d. Pour chascun trousel de dras a cheval, iiii d. En nef ou en batel, viii d. Pour le freel de cordes de bast en nef ou a cheval, i d. Pour chascun chieff de fourmages, v d. Pour demi chief {Fol. 14v, BnF_NAF_10031}de fourmages, iii d. se il vint d’Engleterre et le chief des fourmages soit de cc et l l. Pour i chaable, mes que il soit sans la nef, v d. Pour une batelee d’eus, xiii d. ; et as sergans v d. Et se il viennent a quarete, pour chascun cheval de la quarete ii d. Et se il viennent a cheval, i d. De che qui est porté a col as foires, l’en doit au roy ii d. et as sergans i d. Et hors foire, au roy i d. et as sergans riens. Se l’en porte a foire en quarete, viii d. au roy et as sergans i d. Se hors foire, viii d. au roy et as sergans riens. Pour mercherie qui va par yaue, viii d. A che{Fol. 15, BnF_NAF_10031}val a foire, iiii d. au roy et as sergans i d. Pour ongnons a cheval, iiii d. A quarete, viii d. Pour dras qui vont par yaue a Vernon ou vers ycheles parties, viii d. Se il viennent a Rouen par eaue, iiii d. Et se avec les dras a i pois de laine, il doit viii d. Pour lin a cheval, i d. Pour escueles et dras a cheval, iiii d. En quarete, viii d. A col, i d. Pour i tonnel de chendre par yaue, iiii d. En quarete, pour chascun cheval ii d. Et a cheval, i d. Pour chascun sac de laine ballié par le hardel, viii d. Nul ne puet peser alun ou tex choses sans le poys le roy, fors par dousaines. Por {Fol. 15v, BnF_NAF_10031}la poise de sel, l’en paie iii d. de coustume. Les mesureseurs doivent prendre et avoir des coustumiers pour chascune poise de sel que eus mesurent iiii d. t, des jurés iii d. Pour chascun sa^bsac dans B. de laine pour quoy il y ayt xiii pois, xvi d.