Des nes et des coustumes que les nes doivent, et de marcheandises que il aportent. ix

Quant une nef d’Engleterre vient a Rouem, elle doit estre despousee. Et pour le despouser, elle doit au roy iii s. et pour le siege iii s., et as sergans x d. Et se elle a autrefois esté despousee, elle ne doit riens pour despouser, mes que l’en puisse monstrer par {Fol. 11, BnF_NAF_10031}merel ou par sygne que elle ayt esté despousee autrefoys. Et ne que deut elle doit tousjour iii s. pour son siege. Et se elle aporte harent de la coste d’Engleterre, l’en en paiera im au roy. Et se elle aporte harenc de la coste de Flandres, l’en paye au roy iiii d. pour chascun millier. Des autres choses que elle aporte, elle ne doit riens au roy. Et se il avenoit que elle descarchast avant que elle venist a Rouen, mes que elle fust entree en Saine, elle devroit pour chascun millier iiii d. Et la nef qui vient de Grenesie et de Dieppe, l’en doit païer x d. tant seullement. Et se la nef vient {Fol. 11v, BnF_NAF_10031}d’entre Dieppe et le Mont Saint Michiel, elle doit as sergans v d. tant seulement. Et se elle vient d’outre Dieppe ou d’outre le Mont Saint Michiel, elle doit as sergans x d. La nef qui vient d’Yllande doit a la viconté xx s. Item, au chastel de Rouen, un tinbre de martres ou x l. t. ; premierement recheu le serement as marcheans que il ne pourent trouver a vendre ledit tynbre es parties d’Yllande ou la nef fu carchié. Et se elle aporte ledit tynbre, les marcheans jureront qu’il fu acheté es parties d’Yllandes ; ne n’est pas a rechevoir ledit tymbre autrement. Item, ladite nef doit au chambellent de Can{Fol. 12, BnF_NAF_10031}quarville i ostour ou xvi s. ; premierement les marcheans leur serement recheu en la forme et en la maniere dessus dite. Et pour che, ledit chanbellent est tenu a trouver merrien a raparelier ladite nef se mestier en est, a la requeste du marinier ou du mestre de la nef. Est d’icheste nef l’en doit prendre congié as vicontes de l’eaue. La gogue de Flandres ne doit pas vendre sans le congié as vicontes de l’eaue. Et se elle vent sans congié, elle paiera iii s. pour l’amende. Et se doit aquitier que^aRépétition du que. elle aporte et doit as sergans x d. Et se elle aporte^bsic. fu faite en Engletere, tout soit elle de Flandres, el{Fol. 12v, BnF_NAF_10031}le doit estre despousee. La cogue de Fruise ou de Danemarche n’est pas tenue a prendre congres^ccongié dans les autres versions.. Et se elle aporte cuirs, l’en doit de chascun lot v d. as sergans. Adechertes les choses qui s’aquitent par conte, si conme bacons et tex choses, s’aquiteron sans les sergans, quer il n’en ont riens. Pour chascune autre^dancre dans les autres versions., mes que elle ne soit de la nef, l’en doit i d.