{Fol. 8v, BnF_NAF_10031}La mueson et la coustume des vins, et des choses qui s’aquitent par mesure. viii

En tens que l’en mouste et de vendenges, de xix setiers i setier. De chascun muy, ii setiers et i galon. De connes des rechois, ch’est assavoir des tonniaus qui sont sus le bout, v s. Pour chascun doublier, iii s. vi d. Pour le tresel, iiii s. Por le tonnel de Rochele, v s. Pour le tonnel que l’en apele charetee, vii s. Pour la pipe, ii s. vi d. Pour la queue, xxi d. Pour chascun tonnel a honme de hors, de quel qantité que il soit, xvi d. de coustume ; et as ser{Fol. 9, BnF_NAF_10031}gans, i d. pour le ferré pour quoy il ayt vin. Se il a el batel ou en la nef, xix tonniaus et il y a doubliers, tresiaus ou charetee qui fachent moeson, le tonnel si ne doit pas estre pris, mes la mueson de xix tonniaus, mes que il soient d’une cantité et d’une maniere, l’en en doit au roy i tonnel. Et se plus en y a de xix tonniaus, il sera gardé a conter selont che que il sera. Et est assavoir que le marcheant doit avoir ii tonniaus de chois au devant du roy de xix. De chacun tonnel reec aprés la mi mars, l’en paie coustume. Et est assa{Fol. 9v, BnF_NAF_10031}voir que les tonniaus desus dis doivent estre contés au chapitre et as personnes a qui l’en doit mueson. Ch’est assavoir doublier ***pour iii muys. Tresel pour iii muis et demi. Et le tonnel de Rochele pour iiii muys. Et se il y a charetee de chois, selont l’avis et l’estimacion des bouteilliers. Et se devant la my mars, l’en le doit et la coustume et as sergans i d. De la conne de reech aprés la my mars, l’en doit au roy iii s. et as sergans v d. Et du rechois reeschié ou tens devant dit, xvi d. au roy. De la conne et du rechois non pas reeschiés aussi, et as sergans i d. La conme, x d. Se il avient que aucun {Fol. 10, BnF_NAF_10031}coustumier vende vins a ses peris et il viegne a Rouen, l’en doit por chascun tonnel xvi d. de coustume et as sergans i d. Et de v tonniaus en batel et de plus, v d. Vin d’Anjou doit mueson et coustume. De honme de Rouen, mueson tant suelement. Et se il vient par yaue, il ne doit riens. Se aucun maine vin en France et fache nouvel vin, il doit mueson. Vin qui vient a Rouen de Poitou ou de Saint Jouen ne doit fors la coustume, quer la terre est franche ; ne de Gascoigne, jasoit che que contens soit mon pour avoir en la mueson. Pour vi d.^asic. setiers de vin, l’en paie ii d. Pour de^bdemi dans les autres versions. muy, iiii d. Pour xiiii {Fol. 10v, BnF_NAF_10031}setiers, v d. Pour le muy, viii d. Pour chascun honme qui a compaignon se il est coustumier, xvi d. ; et as sergans i d. Pour le muy de sayn, xxi d. Pour viii setiers, vii d. Et aussi d’uyle de nois et de miel.