De la justise que les vicontes puevent fere sus le jurés et les pers. xxx

De la justise que les vicontes de l’eaue pueent fere sus les jurez et le maire quant eus meffont ou font injure as vicontes de l’yaue, distrent lesdis arbitres par leur arbitrage qui tel estoit. Ch’est assavoir que les vicontes puessent arrester en l’yaue quanque le maire, les pers et les jurés y aroient, si que eus ne peussent monter ne avaler, chargier ne deschargier, ne autre pour eus. Et pourront arrester les mines et les pois, si que riens ne {Fol. 31, BnF_NAF_10031}sera mesuré ne pesé devant que les toncens^asic. des vicontes et du maire et des pers ou des jurés soit amendé as vicontes. Sus lesqueles manieres de juridicions nul n’a povoir fors les vicontes de l’iaue, ne nul autre justisier ne puet avoir chele justise. Toutes les choses dessus dites, si conme il sont devisees et pronchiés^bprononchiés dans B., quemande fu par le roy que eus fussent gardees et tenues fermement a tousjours du maire et des pers.