Que les vicontes doivent recorder. xxviii

Les contens qui estoient entre les vicontes d’une part, et i juré au maire de l’autre, par la reson d’un forfés ou de injure que le juré avoit fes as vicontes si conme il disoient et furent les forfés ou l’injure dis en pledant contre le juré. Le juré ala a son conseil, et le maire et les pers avec conseillier ley. Et quant il revindrent de chu conceil, le juré dut respondre a la demande des vicontes et dit que il avoit respondu a leur demande {Fol. 30, BnF_NAF_10031}et en demandoit^aLa fin de la phrase a été omise : le record de la cour dans B.. Les viscontes distrent que volentiers en recorderoient. Le maire et les pers distrent encontre, en disant qu’il devoient recorder. Sus che distrent lesdis arbitres que le maire et les pers ne doivent mie recorder pour che qu’il avoient esté recordé de leur juré, et que les vicontes et cheuz qui estoient aveques eus recorderont.