Des^aLettrine à l'encre noire, alors que la suite du titre est rubriquée. choses et personnes franches. xii

Alun de glache et de boucan ne doit riens. Sayn quant il vient avec bacons qui s’aquitent, se il est des bacons, il ne doit riens. Fil en lissele, parchemin, nuefrin, chardons, breeus de fil, agules, toute sarpillerie, coutis, moulles, piaus de lerons, toute euvre de lormerie, tout fruit porté a col, coton, couleurs, craspois, {Fol. 16, BnF_NAF_10031}vaude, tapis de fil, et toute robe et tout vestement et chaucement a l’usage au marcheant ou a sa fame, coute de boure, huche ou buffet sans clef ; et se il sont a chef mez que l’en les aporte a Rouem, il ne doivent riens. Glu, capiauz de bonnet, capiaus de feutre et tout poisson porté a col, le freel de corde de bast porté a col, fain, cardons, platre, pierre et terre a foulom, merrien atout bosc, gengivre, girofle, canele, vermeillon, argent, or, bresil, graine, blés et toutes autres choses a semer, et vin acheté de tonne de reec aprés la my mars, sydre. Quarete a prestre et a chevalier et de tout gentilhonme, mez que il {Fol. 16v, BnF_NAF_10031}ayt esté fis ou fille de chevalier, et leurs vins et toutes les choses a leur usage, et clers qui sont dedens les saintes ordres, si sont frans de coustumes en tele maniere que eus jureront ou leur mesnie que se eus vendent les vins ou autre choses qui doie coustume ou mueson, que eus l’aporteront a la viconté de l’yaue. Huille d’olive et de canevis, sieu batu, toute poulaillerie, myseaus^boiseaux dans les autres versions. et fourmages sont quites de coustumes, mes que il soient porté a col. Toute quinquaillerie, ch’est assavoir flageus, verteus, mireeur, fuisiaus, cullier de fust, savon et tex choses me{Fol. 17, BnF_NAF_10031}nues comment que il soient portees, blé porté a col, corbechon, ch’est assavoir harent sanz teste qui fu pendu par la queue, et seletent, verre, toute chire qui vient avec son miel, gravele, yvire, piaus de mourine ne doit riens, mé qu'ele jure que la leste ne rechust pas mort par le fet d’ancun. Noire pois coulant, sarge ree, meule a fevre parchié et clou ne doit riens.