Apparat critique

  • Version par défaut
Pour citer cette page : Laboratoire de textes Norécrit, Coutumes de la vicomté de l'eau de Rouen (BNF, fr. 5967 - Première moitié xve siècle)« Comme l’en s’acquite as estallages », état d’établissement du texte annoté par Laure Cébe et Lény Retoux, sous la responsabilité de Laurence Jean-Marie, consulté le . [En ligne : ]

Comme l’en s’acquite as estallages

Tous ceulx qui achactent poisson frés ou meslenc frés pouldré pour rendre a Rouen doyvent pour chacun pennier de poisson iii d. a l’eslallagez, et les rabattent a ceulx qui les vendent. Ne nul n’en est franc. Et se gens de religion ou d’abbie ou bourgois en achactent pour confraries ou pour festes ou pour nopchez, se ilz content leurs despens, eulx paieront pour chacun pennier {Fol. 70v, BNF_Fr_5967}iii d., et le revendeur comme dist est. Car se ilz ne content, eulx ne paieront riens. Ne nul poisson n’en est franc, pour tant qu’il soit frés et qu’il soit vendu a Rouen a detail. Et si paie l’en autant de meslenc sallé comme du frés. Se il n’est achetté au conte, il ne doit riens. Ne maqueriaulx frés, ne harenc frés achettez au conte ne doyvent riens. Et les harens frés qui sont achettés sans conte, qui seront revendus au viel marchié ou devant l’estre Saint Michiel a detail, l’en paiera pour chacun pennier iii d., et les rabatra l’achacteur au vendeur. Et ceulx {Fol. 71, BNF_Fr_5967}qui seront au pont de Saine ou au pont de Robec et avant la ville ne doyvent riens. Ung broutier qui amaine poisson de la mer en sa brouete et il le vent a Rouen, a detail ou en gros, iiii d. pour estallage. Et avec ce, chacun marchant qui amaine poisson pour vendre a Rouen, se il est vendu, il doit pour chacun jour vi d. Et se ilz sont ii parchonniers ou iii, ilzRépétition du ilz. paieront chacun marchant vi d. pour estallage. Mes se le poisson et sallé, l’en en doit riens, se n’est meslenc sallé qui doit autant come le frés. Ne nul n’en est franc, soit de Rouen ou d’aillieurs. Et se il avient que aucun {Fol. 71v, BNF_Fr_5967}qui ait aucun poisson frés et il ait vendu ou fait vendre comme dist est, se il s’en va atout son cheval ou ses chevaulx sans païer les vi d. d’estallage dessus dis, sitost come il ara passé la barre, les chevaulx seront forffais ou amende en sera faite a vollenté.

Apparat :

a. Répétition du ilz |