De la coustume des choses qui s’acquictent par le poix

Pour ung cent de pougas, iiii d. Pour ung cent de fer, acher, plomb, estain et autres choses qui s’acquictent par le poix, iiii d. Pour cinq cens, xx d. Et pour ung millier, iii s. iiii d. Et s’il en a jusques a xxv l., il n’en paiera que i d. Et est ascavoir que s’il advient que en mercerie meslee que on appelle oeuvre de forge, cauches, cuirrain, soye, poivre, cyre, amandes, comin et telz choses qui ne soient de poix que l’en porte avec la mercerie meslee, soient portez ou a col ou a cheval, eulx ne doivent rien. Maiz s’il y a ung quarteron des choses dessus dictes, il s’acquictera par i d.