De la franchise que les cytoyens de Rouen ont en la viconté

Se aucum de la franchise de Rouen achapte vins, mais qu’ilz aient creu au dessus du Pont de l’Arche, et ilz viennent a Rouen pour le bourgeoys ou cytoyen, ilz pairont aux vicontes moueson tant seullement, tant soient ilz des propres vignes du citoyen. Et du vin qui aura creu au dessoubz du Pont de l’Arche, ne moueson ne coustume n’en est païé par ledict citoyen. Et generallement tous lesdicts citoyensde Rouen^(bh)de Rouen ajouté après ce mot B. sont quictes en ladicte viconté de toutes coustumes, reservé en la sepmaine du Prey comme il est cy dessus, en laquelle ilz doivent demye coustume.