[Prologue]

{Fol. 93}{Fol. 1v}Pour ce que par mutation de temps, inadvertance ou aultrement le memoire des constitutions antiennes, des sur le droict des coustumes et travers appartenans a la conté et seigneurie temporelle de Lisieux estoit cheoit, ainsy comme en discorde d’oppinions sans arrest, dont plussieurs abbuz et excez prejudiciables a la seigneurye, marchandise et bien publique estoient chascun jour publiez en grandz complainctes et clameurs. Reverend pere en Dieu, monsieur Pierres Cauchon, par la grace de Dieu evesque et conte de Lisieux, voullant a chacun rendre son droict, a faict commandemement a nous, Cosme de Banery, son sous seneschal en sadicte conté et haulte justice, de enquerir et recueillir par la voix des estatz des lieux qui en pouvent avoir la congnoissance et vraye experience affin de mettre en tresor d’escripture la maniere et comment des droictz d’icelle coustumes et travers l’en doibt user en la verité. Nous, sous seneschal dessus nommé, faisons sçavoir que obbayssant au commandement de mondict seigneur l’evesque, avons faict sur ce recepvoir les droictz appartenans a chacune branche desdictes coustumes et travers, par congregation de gens d’eglize, nobles, bourgeoys et aultres personnes notables et dignes de foy, sur ce jurez et interrogés deubement qui ont sur ce faict leur rapport pour arrestz de verité, comme et sans discorde l’en doibt jouyr et user des droictz desdictes coustumes et travers ainsy et en la maniere qui ensuyt. Desquelz qui ont sur ce depozé les noms et surnoms ensuyvent tant des personnes, gens d’eglise que nobles conseillers et aultres notables, habitans et demeurans en ladicte conté et haulte justice, interrogez et examynés sur le droict antiennement constitué et estably en l’usaige desdictes coustumes, travers de chacune branche qui y appartiennent.Ensuyvent les status et ordonnances, coustumes et travers de la ville de Lisieux appartenant a la conté dudit lieu, veuz et correctes par reverend pere en Dieu, monsieur Pierres Cauchon, ensemble messieurs les grans vicaires et plussieurs du clairgé, gens nobles, bourgeoys, manens et habitans de ladite ville. Et pour mettre en thresor d’escriture comme l’en doibt user des droictz, travers et coustumes sur les vieilles et anticques ordonnances comme l’en doibt jouir et user d’icelles coustumes et travers ainsy qu’il ensuyct.^(a)Ensuyvent les status et ordonnances, coustumes et travers de la ville de appartenant a la conté dudit lieu, veuz et correctes par reverend pere en Dieu, monsieur , ensemble messieurs les grans vicaires et plussieurs du clairgé, gens nobles, bourgeoys, manens et habitans de ladite ville. Et pour mettre en thresor d’escriture comme l’en doibt user des droictz, travers et coustumes sur les vieilles et anticques ordonnances comme l’en doibt jouir et user d’icelles coustumes et travers ainsy qu’il ensuyct.Lisieux B.

Et premyerement. Maistre Robert de Saane, docteur en loix, doyen ; maistre Henry de Neufville, licentié en droict ; messire Arnoutmessire Arnout est répété lors du passage à une nouvelle page A.^(b)messire Arnout est répété lors du passage à une nouvelle page A. manquant B. {Fol. 93v} Baudouyn, chanoyne ; messire Laurent Menard, prebtre, procureur de mondict sieur ; messire Pierres Orieut, prebtres, recepveur menager de mondict sieur ; Guilleumme Toustain, escuier, sieur de Millouel en ladicte compté ; Robert de Boessy, Jehan la Pucelle, Jehan de la Haye, Cardin La Tire, Guilleumme Le Feustier, Sevestre Breteuil, tous advocatz et conseillers en court laye ; Jehan Verel, Henry Bosset, Pierres du Val, Guillemme du Hamel, Robin Le Bourgeoys, Robin du Hamel, Jouen Inger, Hernueult Le Cesne, Henry Ango, Guillemme Thillard, Richard Anfore, Pierres Robillard, Guillemme Le Sancqueur, Pierres Parey, Thomas Rorques, Guillemme Senestre, Estienne Condirat, Guillemme Le Febure, Pierres Le Crosnier, Guillemme Le Prince, Pierres Hellot, Jehan Marie, Thomas Poins, Jouen le Goubey, Michault Le Sanlqueur, Thomas Anger, Vincent Noel, Pierres du Houlx, tous bourgeoys, habitans et demeurants en ladicte ville, a ce appellés avec plusieurs sur ce depposez, aprés la nomination desquelz nomps et surnoms cy devant escripts. Enssuivent leurs dicts et depposition, par eulx faicts et rapportez par toult dut et arrestés nouz diviser, sur les droicts et usaiges antiens ordinaires desdictes coustumes et travers. Et comme pour le temps advenir pour le droict de chacun, enssuivent les antiens droictz et establissements par maniere de relliemement en doibt estre jouyr et uzer.^(c)manquant B.
Et premyerement.