De sancta Maria

p 1Antiphona ad uesperas et laudes Angelus Domini nuntiauit Marie.
Alia antiphona Ne timeas Maria inuenisti.
Versiculus Benedicta tu in mulieribus.
Oratio Deus, qui de beate Marie uirginis utero uerbum tuum, angelo nuntiante, carnem suscipere uoluisti, presta supplicibus tuis, ut, qui uere eam genitricem Dei credimus, eius apud te intercessionibus adiuuemur. Per eundem [Christum Dominum nostrum].
De eadem post natiuitatem Domini antiphona Sancta et immaculata uirginitas.
Antiphona Virgo Dei genitrix quem totus.
Antiphona Virgo uerbo concepit uirgo permansit.
Versiculus Post partum uirgo inuiolata permansisti.
Oratio Deus, salutis eterne beate Marie uirginitate fecunda humano generi premia prestitisti, tribue, quesumus, ut ipsam pro nobis intercedere sentiamus, per quam meruimus auctorem uite suscipere, Dominum nostrum Iesum Christum.
De eadem post Purificationem antiphona Sancta Dei genetrix uirgo semper Maria.
Versiculus Speciosa facta es et suauis.
Oratio Concede nos famulos tuos, quesumus, Domine Deus, perpetua mentis et corporis sanitate gaudere et gloriosa beate Marie semper uirginis intercessione a presenti liberari tristicia et futura perfrui leticia. Per.
Alia [oratio] Famulorum tuorum, quesumus, Domine, delictis ignosce et que ubi placere de actibus nostris non ualemus, genitricis {F. 127v, ?}filii tui Domini Dei nostri intercessione saluemur. Per eundem [Christum Dominum nostrum].
Alia [oratio] Concede, quesumus, misericors deus, fragilitati nostre presidium, ut, qui sancte Dei genitricis commemorationem agimus, intercessionis eius auxilio a nostris iniquitatibus resurgamus. Per eundem [Christum Dominum nostrum].