[Suffragia sanctorum et sanctarum]
{F. 127r, ?} De Trinitate ad uesperas festiuis diebus

p 1Antiphona Spes nostra salus nostra.
Alia [antiphona] Gloria tibi Trinitas ex quo omnia per quem omnia.
Priuatis diebus antiphona Libera nos salua nos.
Antiphona Laus et perhennis gloria.
Antiphona Gloria laudis resonet in ore omnium.
Antiphona Laus Deo patri parilique proli.
Versiculus Benedicamus Patrem et Filium cum Sancto spiritu.
Versiculus Sit nomen Domini benedictum.
Versiculus Verbo Domini celi firmati sunt.
Oratio Omnipotens sempiterne Deus, qui dedisti famulis tuis in confessione uere fidei eterne trinitatis gloriam agnoscere et in potentia maiestatis adorare unitatem, quesumus, ut eiusdem fidei firmitate ab omnibus semper muniamur aduersis. Per Dominum.
Alia [oratio] Domine Deus, pater omnipotens, famulos, tue maiestati subiectos, per unicum filium tuum in uirtute sancti spiritus benedic et protege, ut, ab omni hoste securi, in tua iugiter laude letentur. Per eundem [Christum Dominum nostrum].
Alia [oratio] Concede quesumus omnipotens et misericors Deus, ut, sicut in nomine patris et filii diuine generationis intellegimus ueritatem, sic in spiritu Sancto cognoscamus substantiam trinitatis, in qua uiuis.