De sancta Maria

p 1[Antiphona] Ne timeas Maria inuenisti gratiam.
Antiphona Spiritus sanctus in te descendet Maria.
Versiculus Benedicta tu in mulieribus.
Oratio Quesumus omnipotens Deus tua nos protectione custodi et castimonie pacem mentibus nostris atque corporibus intercedente sancta Maria propitiatus indulge, ut ueniente sponso filio tuo unigenito accensis lampadibus eius digni prestolemur occursum. Qui tecum uiuit [et regnat].
[Oratio] Deus qui de beate Marie uirginis utero.
De eadem post Natiuitatem antiphona Virgo sacra et uirilis ignara consortii.
Antiphona Nesciens mater uirgo uirum.
Versiculus Post partum uirgo inuiolata permansisti.
Oratio Gratiam tuam quesumus Domine mentibus nostris infunde, ut qui angelo nuntiante Christi filii tui incarnationem cognouimus, per passionem eius et crucem ad resurrectionis gloriam perducamur. Per eundem [Christum Dominum nostrum].
Alia [oratio] Deus qui salutis eterne beate Marie.
De eadem post Purificationem [antiphona] Beata mater et innupta uirgo.
Versiculus Diffusa est gratia in labiis tuis.
Oratio Beate et gloriose semper que uirginis Marie Dei genitricis, quesumus, omnipotens Deus, intercessio gloriosa nos protegat et ad uitam perducat eternam. Per eundem [Christum Dominum nostrum].
Alia [oratio] Protege Domine famulos tuos subsidiis pacis et beate Marie patrociniis confidentes, a cunctis hostibus redde securos. Per.