Servitium beate Marie virginis, in commemoratione

p 1[]Seruitium beate Marie virginis, in commemoratione.

p vepresAd vesperas capitulum In omnibus requiem quesiui et in hereditate Domini morabor. Tunc precepit et dixit michi creator omnium et qui creauit me et requieuit in tabernaculo meo. Deo gratias. Responsorium Sancta Dei genitrix virgo semper Maria. Versus Intercede pro nobis ad Dominum Deum nostrum. [Responsorium] Virgo. Gloria. Hymnus Aue maris stella. Versiculus Elegit eam Deus. Antiphona Sancta Maria succurre miseris iuua pusillanimes refoue debiles ora pro populo interueni pro clero intercede pro deuoto femineo sexu. A^aapparat
A del. P424.. Psalmus{F. 332v, Paris_BnF_NAL424} Magnificat. Oratio Concede nos.

p matinesAd matutinas inuitatorium Aue Maria gracia plena Dominus tecum. Psalmus Venite. Hymnus Quem terra.
Ad primum nocturnum antiphona Felix namque es sacra virgo Maria et omni laude dignissima quia ex te ortus est sol iusticie Christus Deus noster. [Psalmus] Domine Dominus noster et ceteri psalmi. Versiculus Benedicta tu in mulieribus. [Responsum] Et benedictus fructus ventris tui. Lectio prima O felix Maria et omni laude dignissima. O genitrix gloriosa. O sublimis puerpera, cui visceribus actor celi terre committitur. Hec est immaculata coitu, fecunda partu, virgo lactans Dominum celi, angelorum cibum et hominum nutriens. O felicia oscula lactentibus labiis impressa. O felix puerperium, letabile angelis, obtabile sanctis, necessarium perditis, congruum profligatis. Quas ergo tibi laudes, o domina, toto mondo saluato, fragilitas humani generis persoluet, que tuo solo commercio recuperandi aditum inuenerat. [Versus] Tu autem [Domine miserere nostri]. Responsorium Sancta et immaculata virginitas quibus te laudibus efferam nescio quia quem celi capere non poterant tuo gremio contulisti. Versus Benedicta tu in mulieribus et benedictus fructus ventris tui. [Responsorium] Quia. Lectio secunda Accipe itaque, piissima et misericordissima, quascunque exiles meritis que tuis impares gratiarum actiones et cum vota susceperis, orando culpas nostras excusa. Admitte preces nostras intra sacrarium exaudicionis, et tribue nobis gratiam reconsiliationis. Sit per te excusabile quod per te ingerimus, {F. 333r, Paris_BnF_NAL424}accipe quod offerimus, impetra quod rogamus, quia potiorem ad placandam iram iudicis inuenire non possumus, quam te que meruisti mater existere eiusdem redemptoris et iudicis. [Versus] Tu autem [Domine miserere nostri]. Responsorium Beata es virgo Maria que Dominum portasti creatorem mondi genuisti qui te fecit et in eternum permanes virgo. [Versus] Aue Maria gratia plena, Dominus tecum. [Responsorium] Genuisti. Lectio tercia Succurre ergo, sancta Dei genitrix Christi piissima, miseris ad te confugientibus, veniam tribue poscentibus, adiuua et refoue omnes qui in^bapparat
In Add. P424. te confidunt. Ora pro tocius mondi piaculis, interueni pro clero, intercede pro monachorum choro, exora pro deuoto femineo sexu, sentiant omnes tuum leuamen quicunque inuocauerunt tuum gloriosissimum nomen. Sit tibi compassio super afflictionem captiuorum, sit pius affectus super celorum peregrinos. Et quia sine fine gaudentem atque letantam [sic] aspicis, quesumus ut preces nostras quas tibi cum fletibus confundimus ad Deum ipsas [sic] admittas, eumque ut proprium filium pro nobis interpelles, ut cum ille in fine seculi iudex apparuerit, cum ipso et nos appareamus in gloria. [Versus] Tu autem [Domine miserere nostri]. Responsorium Felix namque es sacra virgo Maria et omni laude dignissima quia ex te ortus est sol iusticie Christus Deus noster. Versus Ora pro populo interueni pro clero intercede pro deuoto femineo sexu {F. 333v, Paris_BnF_NAL424}sentiant omnes tuum leuamen quicumque celebrant tuam commemorationem. [Responsorium] Quia ex te.
In secundo nocturno antiphona Sicut letantium omnium nostrum habitatio est in te sancta Dei genitrix. Psalmus Benedixisti et ceteri psalmi. Capitulum Ab initio et ante secula creata sum et usque ad futurum seculum non desinam et in habitatione sanctam coram ipso ministraui. Deo gratias. Responsorium Sicut myra. Oratio Famulorum.

p laudesAd laudes antiphona Post partum virgo inuiolata permansisti Dei genitrix intercede pro nobis. Antiphona Sicut myrra electa odorem dedisti [suauitatis], sancta Dei genitrix. Antiphona Speciosa facta es sancta [sic], et suauis in deliciis tuis, sancta Dei genitrix. Antiphona Benedicta filia tu a filio quia per te fructum vite communicauimus. Antiphona Pulchra es et decora filia Hierusalem, terribilis ut castrorum acies ordinata. Capitulum In omnibus requiem. Responsorium Speciosa. Hymnus O gloriosa. Versiculus Elegit eam. Antiphona Virgo Dei genitrix ex qua lux oriri dignata est eterna intende supplicum preces tuorum seruorum ut per tua sancta suffragia mereamur possidere regna celestia. Euangelium Benedictus. Oratio Concede nos.

p prime[Ad primam antiphona] Ortus conclusus es Dei genitrix ortus conclusus fons signatus emissiones tue paradisus fons ortorum.

p tierceAd tertiam antiphona Sancta Dei genitrix virgo semper Maria intercede pro nobis ad Dominum Deum nostrum. Capitulum ad tertiam : In omnibus requiem. Responsorium Benedicta tu. Oratio Concede nos.

p sexteAd sextam [antiphona] In odore unguentorum tuorum currimus adolescentule dilexerunt te nimis. [Capitulum] Que est ista, que processit, quasi aurora consurgens, ut luna^capparat
ut luna del. P424. pulchra ut luna, electa ut sol, terribilis ut castrorum acies ordinata. Deo gratias. {F. 334r, Paris_BnF_NAL424}Responsorium Sicut myrra. Oratio Protege, Domine, famulos tuos subsidiis pacis et beate Marie semper virginis patrociniis confidentes, a cunctis hostibus nos redde securos. Per eundem [Dominum].

p noneAd nonam antiphona Fauus distillans labia tua mel et lac sub lingua tua et odor vestimentorum tuorum sicut odor thuris. Capitulum Maria virgo semper letare que meruisti Christum portare celi et terre conditorem quia de tuo utero protulisti mondi saluatorem. Deo gratias. Responsorium Speciosa facta es. [Oratio] Beate et gloriose semper que virginis Dei genitricis Marie, quesumus, omnipotens Deus, intercessio gloriosa nos protegat et ad vitam nos perducat eternam. Per eundem [Dominum].

p matinesA festo Omnium sanctorum usque ad Aduentum, lectiones de sancta Maria. [Ad matutinas lectio] Loquamur fratres karissimi aliquid in laudibus sacratissime virginis Marie. Sed nos quid tantilli, quid actione pusilli, in eius laudibus referre valemus, cum etiam si omnium nostrum membra verterentur in linguas, eam laudare sufficeret nullus. Altior enim celo est, de qua loqui nitimur, abysso profundior, cui laudes dicere cognamur. Deum enim quem omnis creatura non capit, ipsa immaculato utero clausum gestauit. Hec est enim que sola meruit mater et sponsa Christi vocari, hec prime matris damna resoluit, hec homini perdito redemptionem adduxit. [Versus] Tu autem [Domine miserere nostri]. Responsorium Sancta et immaculata. [Lectio] Mater generis nostri penam intulit mondo genitrix {F. 334v, Paris_BnF_NAL424}Domini nostri sa[l]utem edidit mondo. Auctrix peccati Eua, auctrix meriti Maria. Eua occidendo obfuit Maria viuificando profuit. Illa percussit ista sanauit. Hec enim mirabili atque inestimabili modo omnium rerum et suum peperit saluatorem. Que enim hec virgo tam sancta, ad quam venire dignaretur Spiritus sanctus, que tam speciosa, ut eam sibi Deus eligeret sponsam, que tam casta, ut esse virgo posset post partum, hec est Dei templum, fons ille signatus, et porta in domo Domini clausa. Responsorium Beata es. Lectio tertia Ad hanc namque ut dixi Spiritus sanctus descendit, huic virtus obumbrabit altissimi. Hec est immaculata coitu, fecunda partu, virgo lactans, panem angelorum et hominum cibum nutriens. Merito itaque beata singulari a nobis preconio extollitur, que singulare commercium mondo prebuit. Denique tantum se ad celi fastigia subleuauit, ut Verbum in presepio apud Deum de superna celi arce susciperet. [Versus] Tu autem Domine miserere nostri. Deo gratias. Responsorium Felix namque es. Ut supra.