Premierement.
L'avoir du poix.

Le cent de cyre partant hors desdictes mectes, iiii d., i d. au poix.
Le cent de fer partant hors desdictes mectes, iiii d., i d. de coustume.

Toutes manieres d'avoir de poix, chacun cent pesé^aLe mot est partiellement effacé. ou a peser partant hors desdictes mectes partant qu'il soit descharger ou recharger esdictes mectes de vaissel en autres, doit iiii d., i d. au poix s'il est pesé.

{Fol. 22v, A}Le cent de boys d'auvres, semblablement, partant hors desdictes mectes et chargé ou deschargé esdictes mectes, doit iiii d.

La balle ou le fardel ou cuirs en tourcque et toute autre chose cordee, soit grande ou petite, doit iiii d. pour piece charger et partant hors desdictes mectes.

Chacun sac a quatre cornetz, iiii d. ; et s'il est lyé qu'il n'ayt que deux cornetz, il ne doit que ii d.

Chacune couste ou travesain, lincheul, cueuvrechef, sarge, couste poincté ou oreilliés, se ilz ne sont perchés par usure, doit iiii d. ; se il n'est en fardel cordé, ouquel cas le fardel deveroit iiii d. comme dict est ; et ou cas que perchés seroient hors le fardel, ilz ne deveroient riens.

Item, chacun drap a par soy qui n'est en fardel cordé doit iiii d.

Chacun cariot a iiii roes partant hors desdictes mectes chargé de blé, sel, charbon, terre ou autrez choses, en bennes ou en sacz, doyt iiii d.

Chacune chareté partant comme dict est a l'endroict du chariot en icellui cas doit ii d.

Chacun cheval ou jument partant, comme dict est en icellui cas, ou portant harenc ou autre poisson hors de baril doit i d.

Chacune veste de counins ou de lievres, a compter vixx pour veste, partant hors desdictes mectes hors de fardel ou de balle cordee, doit iiii d.

{Fol. 23, A}La fourrure qui vient fectes d'Espaigne ou d'autrez mectes, partant hors comme dict est, doit i d.

Le cent de letices ;
le cent de menu voir ;
le cent de gris ;
le cent de gros voir ;
le cent d'escureulx vernieulx ou noirs ;
le cent de chevreulx ;
le cent de bons bichos ;
le cent d' ;
le cent de vandres,
partant hors desdictes mectes, chacun cent doit iiii d.^bCette phrase est écrite en marge, après une accolade qui regroupe les élèments allant du cent de letices au cent de vandres.

Le demi cent des choses dessus dictes, chacun demi cent partant hors desdictes mectes comme dit est, doit ii d.
Et au dessoubz de demi cent, chacune douzaine partant hors desdictes mectes comme dit est, doit i d.

La douzaine de cordouen vermeil partant hors desdictes mectes et chargé de vaissel en autre, hors fardel cordé, comme dict est doit iiii d.

La douzaine de cordouen blanc partant comme dict est, ii d.

La douzaine de basane vermeille partant comme dit est, semblablement iiii d.

{Fol. 23v, A}La xiie de basane blance ; 
la xiie de cas montans ; 
la xiie de cas de feu ; 
la xiie de martres ; 
la xiie de faynes ; 
la xiie de jennectes ; 
la xiie de bievres ; 
la xiie de lomberges ; 
la xiie de loutres ; 
la xiie de regnars ; 
la xiie de gopilles,
chargé de vaissel en autre partant hors desdictes mectes, hors de fardel cordé, comme dict est, la douzaine, ii d.^cCette phrase est écrite en marge, après une accolade qui regroupe les élèments allant de la douzaine de basane blance à la douzaine de gopilles.

La xiie de chevres ; 
la xiie de chamois ; 
la xiie de veaulx,
chargé de vaissel en autre partant hors desdictes mectesxiie, ii d.^dCette phrase est écrite en marge, après une accolade qui regroupe les élèments allant de la douzaine de chevres à la douzaine de veaulx.

Le lest de cuirs ridés ou sallés, a compter iic cuirs pour lest, partant hors desdictes mectes comme dit est, doyt xii d.
Le demi lest, partant hors semblablement, doit vi d.
Et au dessoubz de demy lest, chacune tacque a compter dix cuirs, pour tacque, ii d.
Et au dessoubz de la tacque, chacun cuir doit i d.

Et se aucun vient qui die :«  je veil acquiter ung cent » ou « deux centz » ou plus ou mains, sans parler de lest ou de demi lest ou de tacque, il doit paier pour chacun cuir i d. partant hors desdictes mectes.

La huche ou coffre a iiii piedz, grand ou petite, partant hors semblablement, excepté et mis hors de ce les coffres des mariniers doit iiii d.

{Fol. 24, A}Item, chacune nef ou vaissel partant hors desdictes mectes et chargé en icelle de sel, blé, charbon de terre, alun ou aultre marchandise en garnier, doit chacun garnier xviii d.

Item, se aucune nef est trouvee en la mer ou vient en varesc escarlates, peaulx sebellines, draps d'or, de soye, francz chiens, francz oyseaulx, icelles chose appartiennent au roy nostre seigneur, et les doit, le maistre ou icellui qui les treuve, apporter devers ledict prevost.

Item, se aucun forain ou autre transporte aucune chose quelle que elle soit qui soit arestee par le prevost, son lieutenant, son sergent ou commissaire ou de par l'un d'iceulx, sans le congé dudict prevost ou de l'un d'iceulx, il doit xviii s. d'amende avecques le restablissement ; et s'il est de la ville, il ne doit que iii s. d'amende.

Item, le prevost doyt avoir la garde du merc des boisseaulx a mesurer esdictes mectes et l'estallon pour les gauger ; et doivent estre gaugé en sa presence et en la presence de six des bonnes gens de ladicte ville par mesureurs jurés. Et aussi doit avoir la congnoissance {Fol. 24v, A}des mesureurs et les faire jurer devant lui a mesurer justement et loyamment. Et de ce faire doit avoir et prendre telz droictz, comme il est acoustumé anciennement.

Item, ledict prevost peult et doit avoir regard et visitation des mesureurs de sel et d'autres denrees et marchandises apportenant au mesurage.

Item, nul ne doyt mesurer sel, blé, charbon de terre ne autrez choses quelconquez sans avoir licence et congé dudict prevost sur paine d'amende.

Item, il a este acoustumé d'anciennecté que ledict prevost peult prendre et establir telz sergent ou commissaire comme bon lui semblera pour faire arrest ou arrestz, adjournement ou adjournements.