vers 1Archangelorum inclita Summo canamus cantica

vers 2Quem ordinatis ad pia Vitae perennis gaudia

vers 3Fidelibus Deus sua Ducem dedit clementia.

vers 4Beate dux clarissimae Regis superni regiae

vers 5Quem angelorum sedule Cives honorant.

vers 6O pie dignanter hic illabere Precesque nostras suscipe.

vers 7Caelestis aula signifer Noster patrone Michael

vers 8Locum precamur supplices Tibi dicatum expies.

vers 9Quem visitando recrees Ac recreando visites.

vers 10Deo placens et optimis Avtbertus exemplum viris

vers 11Ab angelo ter audiit Vt conderet templum tui

vers 12Hoc in honore praeclui Archangelorum principis.

vers 13Est nempe saeculis novum Patratum hic miraculum

vers 14Nam dum sacer differt pium Implere hoc oraculum

vers 15Mirum magis quam noxium Sensit plagae dispendium.

vers 16Foramen haud arctissimum Nunc ipsius caput sacrum

vers 17Optutibus fert omnium Quod visibus fidelium

vers 18Ferri negans vestigium Virtutis est praeconium.

vers 19Gaudet vir hinc sanctissimus Ac mane surgens concitus

vers 20Montem petit cum laudibus Cui construende mox domus

vers 21Signatus apparet locus. Aggreditur quod protinus.

vers 22Hinc obstitisse tum duae Rupes feruntur maximae

vers 23Quas rusticana volvere Manus non quibat tu pie

vers 24Sed affuisti concite Fessis pio juvamine.

vers 25Illuc venire mox suis Cum ter quaternis filiis

vers 26Senem Bainum praecipis Quorum minor has depulit

vers 27Rupes leves factas sibi Viris adauctus plurimis.

vers 28Karissimum templum Deo Sic inchoatur ilico

vers 29Vt rore jam signo dato Monstraveras locum tuo

vers 30Insigniendum praecluo Quis ut Deus vocabulo.

vers 31Legationis protinus Onus probis imponitur

vers 32Garganum ut quantocius Montem petentes. quod pius

vers 33Pignus sacrum tu praevius Dares referrent ocius.

vers 34Miraculorum plurima Iis affuisti gratia

vers 35Nam ter quaternis lumina Per haec reformas pignora

vers 36Qua(m) pluribusque perdita Das sanitatum gaudia

vers 37Novo triumphans gaudio Avtbertus almus cum pio

vers 38Iis exit obviam choro Ipsumque templum congruo

vers 39Dicans honore(m) hoc sacro Donat decore maximohistorique
Suat de colonne dans le manuscrit

vers 40Ovanter iis dispositis. Mons aridus carens aquis

vers 41Angebat almi cor viri Sed tu locum notas sibi

vers 42Quo dum foramen imprimit Fons affluens mox exilit.

vers 43Praesul beatus sic Deo Ad serviendum congruos

vers 44Non invenit dum monachos Huce ordinat canonicos.

vers 45Hos ter quaternos denuo Jubens gerat successio.

vers 46Quo plurimum post temporis Successibus reciprocis

vers 47Cum vindicarent hoc sibi Jus saecularis ordinis

vers 48Vocabulo canonici Vita boni nec laici

vers 49Richardus hoc dux indolet Ac funditus hos amovet

vers 50Quis surrogari mox jubet Vita viros probabiles

vers 51Tam clericatu utiles Quam moribus spectabiles.

vers 52Sed dissolute vivere Hos audiens. creberrime

vers 53Accersiens eos pie Mores monebat vertere

vers 54Ne quiquam hoc et tempore Longo pergit sedule.

vers 55Tum ista missis nuntiis Papae Johanni retulit

vers 56Assentiente quo sibi Locum dicavit monachis

vers 57Donando privilegiis Ipsum simul quam maximis.

vers 58Votis suisque consonum Regem habens Lotharium

vers 59Instantia pari precum Papam rogant piissimum

vers 60Vt proprium per syngraphum Sanciret hoc in posterum

vers 61Xristi minister mox pio A se petita nuncio

vers 62Concessit acta synodo Episcoporum consono

vers 63Favore cunctorum loco Misso sacro cyrographo.

vers 64Ymnis ovans chorus piis Ducem sacramque suscipit

vers 65Locum dicans quae monachis Extraneos huc qui sibi

vers 66Nomen patris praerepserint Sententia mortis ferit

vers 67Zelo licet se plurimi Honoris hic immerserint

vers 68Impune nullus hoc tulit Invasor horum nec fuit

vers 69Quisquam loco dignus sui Humatione corporis.

vers 70Et nunc et omni subdita Aevo regenti climata

vers 71Orbis Beata Trinitas Virtus honor laus gloria

vers 72Meatae tibi per nescia Sint saeculorum saecula.