{Fol. 111}Cy ensuyvent les droitz et coustumes appartenant a la prevosté de la ville et baronnye de Toucque, appartenant a reverend pere en Dieu monseigneur l'evesque et conte de Lisieux.

Premyerement.

Les gens demourans en la ville de Toucque qui font et payent la reperacion qu'il fault au grand pont sont francz et ne payent poinct de coustume de marchandise de seel ne de bled.

Item, les marchantz qui apportent seel par la mer et le vendent en gros, la poize doibt ii d. ; et s'ilz le vendent en detail, la somme doibt i d.

Item, les marchantz qui achaptent en gros, s'ilz ne sont de la ville, doibvent semblablement la poize ii d. et de la somme i d. ; et de la demye somme, i d. ; de ung boessel, s'il est porté a cheval i d., et s'il est porté a col et il n'est marchant, il ne doibt rien payer de coustume.

Item, se aulcun marchant achapte une nasvé de menu sceel et il charge dedens la riviere dedens la parquee du hable, il paye de la poize ii d., et les saoulnyers qui le font n'en payent rien.

Item, nul ne peult et ne doibt livrer ne recepvoir seel en quelque lieu que ce soit en eau, ne dehors ne dessus quelque fief que ce soit es mettes de ladite ville de Toucque, que ce ne soit au boessel scellé de monseigneur de Lisieux.

{Fol. 111v}Item, les bourgeoys de la ville doibvent mener et querré les mesures et les gens de monseigneur les doibvent assermenter de recepvoir d'iceulx les pleiges pour le commun prouffict du pays.

Item, l'en doibt faire semblablement des berniers.

Item, les mettes de la prevosté de la ville durent veult l'en porter ses derrés jusques au doyct de Duranville et jusques a la croix du chemin qui tient de la ville au chastel et jusques au douayt et a la pye et longeur et retondeur en ce pays droit au pont Faulcon sans forfaicture, et les gens a qui ilz seront ne demeurent dedens lesdites mettes.

Item, nul marchant ne peult achapter ne vendre dedens lesdites mettes de la cousturaie qui ne vienne a la prevosté faire son debvoir, c'est assçavoir payer ou alleguer ses privillege se il est franc.

Item, nul marchant ne peult ne ne doibt achapter en la parroisse de Tourville qu'il ne se vienne acquicter en ladite prevosté. Item, nul ne peult ne ne doibt descharger, de nefs ne de vaessel, derrés quelles qu'ilz soient sans prendre congé du prevost se ilz ne sont de la ville de Toucque.

Item, ung marchant qui porte menu sceel a son col ne doibt rien.

Item, l'en doibt de bled s'il est apporté par la mer et deschargé a terre, le marchant a qui il est, s'il n'est de la ville, doibt demander congé de descharger. Et quand il vient, il en doibt de chascune dyve^aLa restitution de ce mot est incertaine. de boesseauls i d., et cellui qui l'achapte en doibt aultant.

Item, se l'en apporte au sabmedy une somme de bled et on la mecte en la blasrye, soit vendu ou non, l'on en paye i d. ; et du faiz a col, ob. mais on le peult vendre tous^btous répété lors du passage à la ligne. les jours de la sepmayne jusques a l'aultre sabmedy.

Item, se l'en apporte sur ung cheval deulx paires ou de troys paires de bled, on paye de chascune paire i d. et du faictz ob.

Item, qui vent ung boessel de bled quoy qu'il soit, il doibt ob. ; et cellui qui l'achapte, s'il n'est marchant, il ne doibt riens s'il n'en a plus.

Item, se l'en apporte bled en toulneaulx, l'en doibt pour chacun toulneaux vi d. C'est assçavoir, pour le bled, iiii d., et pour le fust, ii d.

{Fol. 112}Item, les gens de la ville sont francz de marchandise de cens^cLa restitution de ce mot est incertaine. pour payer a la Saint Leger, chacun, iiii d. Et s'ilz vendent en taverne, ilz payent i d. par pain et est pour toulte l'annee mais se ne sont pas ceulx qui demeurent sur le fief de l'evesque.

Item, se eulx en sont chargez en la mer pour porter hors, ils payent pour piece ii d. C'est assçavoir, d'umg tonnel iiii d. ; de la rondelle, ii d. ; et d'ung costeret s'il est a rond fondz, ii d., et s'il est bellong, i d.

Item, se ung marchant en faict cacher a la riviere en quelque lieu que ce soit, d'amont le pont ou d'aval, prins en fosse ou en fleur puys qu'il est dedens la parque du hable, il paye par semblablement de chacune piece ii d.

Item, se marchantz de dehors en achaptent en la ville, en quelque lieu que ce soit, dedens les mettes, ilz en payent par chacune piece ii d. s'ilz en portent en chareste ou aultrement.

Item, semblable d'um homme qui demeure en la ville et ne demeure pas sur les fiefz de l'evesque, s'il achapte derrez hors de sa maison dedens lesdites mettes, il paye ladite coustume telle comme lesdites derrez la doibvent, soient cildres ou aultres chozes qui doibvent coustume, mais cellui qui la vent en sa maison, ne paye riens mais dehors n'a poinct de franchise.

Item, l'en doibt d'umg tonnel de vin iiii d. ; d'une pippe, iiii d. ; d'ung costerel, iiii d. ; et d'une rondelle, iiii d.

Item, nul ne peult charger ne descharger, soit pour porter hors ou aultrement, qu'il n'en paye pour piece iiii d. t.

Item, nul marchant de dehors de la ville ne doibt descharger sans demander congié au prevost, aussy nul ne doibt passer velle ne derrez par dessoubz le pont sans requerré congé au prevost affin d'estre payé de sa coustume.

Item, les marchantz qui demeurent en la ville sur le fief Berties, qui font venyr vin en charette, et ilz pevent mettre et descharger que la charette soit sur leur seul, ilz veullent dire qu'ilz ne doibvent poinct de coustume.

Item, quand ung homme a faict descharger du vin d'un vaissel en charge en charette, il en doibt pour piece iiii d.

Item, l'en doibt d'ung toulnel de seng de harenc iiii d. ; d'une pippe, iiii d. ; et d'une rondelle, iiii d.

{Fol. 112v}Item, d'un baril de baril de bray ou goutrain, iiii d.

Item, d'une rondelle de harenc caque, ii d. t.

Item, d'ung fardel de draps chargé a la mer, iiii d.

Item, du cent de cieu, iiii d. ; du cent de cyre, iiii d.

Item, d'ung cent de peaulx a layne, iiii d. t.

Item, d'une pel seulle, ob. ; et de xiii peaulx, i d. ; et d'au dessoubz, ob.

Item, du cent de touesons, iiii d. ; et d'une seulle, ob. ; et de treize, i d. ; et de au dessoubz de chascune, ob.

Item, du cent de peaulx d'augnel, iiii d.

Item, d'une penne d'aignel, i d.

Item, d'ung pellichon ou d'une penne de dos, i d.

Item, la penne de ventres ne doibt riens.

Item, d'ung cent de faintaignes, d'une penne de feureux, d'une penne de noir et d'une penne de pranelletes de vielles peufferye ne doibt riens.

Item, du cent d'oingt, iiii d. ; et de quatre livres, i d.

Item, l'en doibt d'ung toulnel viel s'il est enfoncez des deux boutz ii d. ; et s'il n'est enfoncez que d'ung ou deffoncez des deux boutz, i d. et aultant est deu d'une pippe ou rondelle.

Item, l'en ne peult ne doibt descharger de la riviere ne de la mer qu'il ne s'aquicte par la piece comme dict est.

Item, ung boullenger doibt au sabmady pour une somme de pain ii d. ; et a sour sepmayne, pour chascune somme, i d. Et s'il demeure a sour sepmayne et il mecte au sabmedy en vente, il doibt i d., s'il apporte a son col, il doit i d. ; et a sour sepmayne, il ne doibt que maille.

Item, ung boucher doibt au sabmady iiii d. ; et se ilz sont deux bouchers a une marchandise et a ung estal et ilz soient present a la ville, ilz doibvent iiii d.

Item, se ung boucher vent a sour sepmayne a la ville, il doit d'ung boeuf i d. ; d'ung porc, i d. ; de cabry, ob. ; d'une flicque de lart, i d. ; veul, l'en doibt i d., et commence l'en a payer le sabmady prochain devant la Saint Johan et dure jusques a Karesme prenant, et entre Pasques et ledit jour, on ne paye riens.

{Fol. 113}Item, l'en doibt d'ung cuyr de boeuf i d. ; et s'il y a parsonnyer, chacun en paye en droict son.

Item, l'en ne doibt riens de cieu dont la chair est vendue en la ville.

Item, l'en doibt d'un cuyr de veel i d. ; et de troys, i d. ; et de xii, iiii d. Et en coumence l'en a payer le prochain sabmedy devant la Saint Johan, et dure jusques a Karesme prenant

Item, un chandellier doibt au sabmady i d. ; et a sour sepmayne, ob. S'il apporte a cheval, il doibt i d.

Item, ilz dient estre francz de ce que eulx achaptent de leur mestier en leur estat et que ilz l'ont de tout temps accoustumé, mais ilz en doibvent retenyr et faire soy payer par eulx de qui ilz achaptent telle coustume comme la derree doibt, soit cieu ou cyre.

Item, ung mercier doibt i d. ; et s'il n'a ouvraige de forge ou de soye, il ne doibt que ob.

Item, ung sueur doibt i d. ; et s'il achapte a aultre sueur ouvraige, il doibt i d.

Item, s'il achapte ung cuyr tenney, il doibt ii d. ; et d'une queue, i d. ; d'un nepon^dLa restitution de ce mot est incertaine., i d. ; d'une ventesque^eLa restitution de ce mot est incertaine., ob.

Item, ung tailleur de cuyr doibt i d.

Item, ung potier vendeur potz de terre, ob.

Item, ung crocquetier doibt pour sa plommee^fLa restitution de ce mot est incertaine. i d. ; et s'il vent a iiii d., ob. De canbre, ob. est deubet au prevost ; et de viii d., l'en doibt i d.

Item, le canivieux sacqueté au crocquet comme la caniviere et doibt l'en de viii d., i d. ; et iiii d., ob.

Item, l'en doibt d'une piece de toelle i d.

Item, d'une piece de drap, i d.

Item, se ung marchant de basture d'arain vient a la ville et il saiche au sabmady, il doibt i d. Et s'il vient a sour sepmayne, il payra de chascune piece qu'il vendra i d.

Item, une vache doibt i d. du vendeur, i d. de l'achapteur ; et s'il y a parsonnier, chacun doibt i d.

Item, ung porc doibt i d. ; et une brebis, ob.

{Fol. 113v}Item, l'on ne doibt riens de cheuveaulx jusques a la Saint Johan.

Item, d'un cent de fer, iiii d.

Item, d'une nef selle est vendue iiii d.

Item, se une nef vient en argee de harenc fraiz, napvee doibt ung cent, et l'en doibt d'ung millier de harenc sallé ii d. ; et de cinq centz, i d. ; et de six centz, ii d. ; d'un cent, i d.

Item, se une nef vient chargee de macquerel, l'en doibt du cent quatre macquereaulx. Et se ung marchant l'emporte hors, il doibt de la somme ii d., et s'il le porte a col, i d.

Item, se une nef vient chargee de poisson, le marchant en doibt choysir deux et le prevost le tiers, et ne vendra nul poisson jusques a tant que la coustume en soit payee.

Item, se ung marchant achapte une somme de poisson en la ville ou en la coste es mettes de ladite coustume, il en doibt ii d.

Item, s'il y a aultres marchantz qu'ilz l'achaptent par acquetz, il est deu par chacun acquesteur.

Item, nul marchant ne doibt achapter poisson pour revendre jusques a tant que le premyer soit passer.

Item, les regratiers doibvent chacun au lundy i d., et ne doibvent avoir riens devant l'heure de prime.

Item, ung marchant d'oeufz, fourmaiges et poullailles, et les emporte a cheval, doibt i d. ; et s'il les porte a col, il doibt ob.

Item, ung vendeur d'aulx, d'ougnons, porettes ou semences, et il les porte a cheval, il doibt i d. ; et s'il les porte a col, il doibt ob.

Item, l'en doibt de la venduee d'ung cheval ii d., et celluy qui le vent et celluy qui l'achapte, auttant.

Item, l'en doibt d'une rucque a myel, celluy qui la vent, i d., et celluy qui l'achapte, i d.

Item, l'en doibt d'une rondelle de myel iiii d. ; et d'un tonnel, iiii d. ; d'une pippe, iiii d. ; d'une somme portee en cuyr, ii d. ; et de costerel, i d.

{Fol. 114}Item, l'en doibt d'une couette iiii d. ; d'ung travessain, iiii d. ; d'ung oreiller, iiii d.

Item, se une nef soit vuyde ou chargee puys qu'elle soit dedens le hable et qu'elle poze une maree, elle doibt pour siege iiii d.

Item, se elle veult aller en pescherye et elle veult achapter sa mesigne pour les compaignons, se elle ne vient descharger sa pescaille au hable, les compaignons doibvent la coustume de ce qu'ilz achaptent.

Item, se une nef est chargee de desreez qui sont mellez et on en vende partye, ilz doibvent acquicter le tout.

Item, se la nef est chargee ou d'aultres darrez qui se separent, l'en doibt payer la coustume de ce que l'en vent, mais l'en doibt premyer demander congé premyer que l'en vende.

Item, la batellee de caulx.

Item, le moult de plastre.

Item, le millier d'huille doibvent iiii d.

Item, le fue.

Item, la caque de cuyr d'Espaigne.