[Coutumes de la foire de Montmartin]

L’an de grace mil trois centz et cinq le vendredy aprez la Sainct Cler, devant nous, Godeffroy le Blond, viconte de Coustances, se representerent les fermiers du roy nostre sire, d’une part, et les fermiers de l’evesque de Coustances de la prevosté, d’autre. C’est assçavoir, pour le roy, Huect de Fournier^a de Fournier est écrit au crayon comme si M. Le Pesant n’était pas sûr de sa transcription., Colin Trenere et, pour ledit evesque, Thomas Ausmenil, Robert Grandin, disans, chacun de soy, avoir droict en la prinse des aloses et des macquereaulx et que a eulx en appartenoit le droict comme au roy, et sur ce avoient eu rescousse a cry de harou des gentz de la part dudict evesque et que pour ce, en la presence des gentz dudict evesque, a ce eslus et commis dudict evesque, en son nom voullut le viconte de Coustances pourchasser le droict dudict evesque le droict dudict evesque (sic) ainsy comme s’il estoit present. C’est assavoir, maistre Estienne Gastel et dan Robert de Belleville, compaignons de l’hostel dudict evesque, et ce faict les fermiers amendoient, chacun de soy, le cry de harou ainsy que les gentz dudict evesque ne pairoient rien du cry de harou s’il trouve par l’information que eulx s’ilz est soient tenus ne du cry de harou ne de la rescousse, a la requeste des deux parties nous feismes venir les bourgois dont les nons ensuyvent et des plus notables pour [sçav]oir et recorder quel droict et action ledict evesque y avoit en ladite ville, fust en prinse ou en coustume ou en trespas ou en jurisdition ou aultres chozes a cause de la prevosté a la requeste des deux parties furent appellez les devan dictz bourgois et premierement Nicollas Maupont, Guillaume Enguerran, Guillaume le Vicaire, Guillaume le Bateur, Colin le Moigne, Martin Boursier, Sevestre le Roux, Guillaume Ballendonne, Jehan Benest, Jehan Petcot, Hervieu Malpont, Rogier Lherondel, Colin de Soulle, Thomas Eudes, Guillaume Blanclot, Philippe de Toisy, Colin Augis, Grosset du Repas, Raul de la Chappelle, Richard du Boys, Colin d’Estretan, Guillaume Burnel, Philippe de Le[spire], les Sirions, Colin Laigloys, Thomas le Grant, Jehan Barbey, Michiel le Moigne, Raoul Postel et plusieurs aultres, sur les deulx parties ne trouverent nul saon, pourquoy nous devant dict vicontey chargasmes les devant dicts bourgois par leurs sermens que eux nous rapporteroyent veritable quel le droict ledict evesque proprement devoit avoir en toultes choses, lesquelz bourgois nous examinasmes chacun par soy secretement et rapporterent tous accordablement que autant avoit ledict evesque en la prinses, coustumes, jurisdition ou aultrement ou en poys en Renieville ou ailleurs comme le roy et que a tort on leur en avoit la rescousse, dict fuct de nous viconte dessus dict par sentence diffinitive que nous delession audict evesque toult son droict sy comme il estoit trouvé par l’enqueste et demeurerent les fermiers du roy tenus de paier l’amende et en outre se les bourgois requistrent audict viconte qu’il soit devisé comme coustume se peuvront^b pevront écrit au crayon et la lecture est incertaine. comme aultrefois avoit esté faict et pour ce faict^c faict écrit au crayon. traict avant le vieul roulle des foeres de Montmartin auquel toultes les ordonnances de toultes les coustumes se regardent de ceulx qui ont quictance et des quictans, a laquelle choze nous devant dict viconte commeismes et establismes Simon Viton, nostre clerc estably a ce faire jouxte les roulles desdicts foires assavoir […]^dUn mot écrit au crayon est illisible. combien l’en avoit paier autrefois esdictes foires en rapportant luy lesquelz auront quictance ou non jouxte ledit et combien chacune marchandisse debvra jouxte ledict, c’est assavoir sept jours en Pentecouste et huict jours en la sepmaine de la Septembresse ou il siet une foires qui est appellee la Nostre Dame Septembresse et sy est de l’essence des foires de Montmartin, aprez nous devant dicts Symon leüsmes ledict roulle en la presence desdicts bourgois pour eulx adviser que eulx y vouldroient dire lesquelz roulles parlent et devisent.

La sergeanterie Mauffras et Courays et Guillaume Pierres, l’abbé de la Luyserne, ne paient que demie coustume et d’estoremens.

Item, s’il venoit a Renieville laine d’estrange [terre], elle s’aquitte par le centz, le temps de foires durant et vont en la bouette des foires de Montmartin, et en ceste ville mains la moictié, se ce n’est au temps qu’elle se doublent.

Item, chartee de pain doibt iiii d. ; de la somme, ii d., es foieres de Montmartin, et icy moins la moictié se il ne se doublent comme dict est.

Item, chartee de scel, ii d., et a Coustances ung dennel^e dennel écrit au crayon et la lecture est incertaine. et s’il a compaignon ung boussel et la somme, ii d., et icy moins la moytié se il ne se doublent.

Item, ung cheval doibt iiii d. esdictes foires, et la vache autant comme le cheval, et le porc autant comme la vache.

Item, roeues fustieres, viii d., et icy, iiii d.

Chartee de fustalle, iii d. ; la somme, ii d., et icy mains la moitié.

Vendeurs d’ail et oignons doibvent la somme esdictes foires ii d., et icy moins la moitié et celuy qui porte au collet, icy moins la moytié.

C’est malle des grands draps de Flandres et de Rouen que soient au dessoubz de l’eglize par devers la maison Franquet, par devers la mer doibvent ii s. pour pié de terre et se l’en vendoit une piece de trapt iiii d., icy mains la moityé.

En ceste ville, les draps de Baieux et de Sainct Lo soent au long de Sainct Lorens et en devent le pié de terre, xii d., et s’il avenoyt que ung homme qui ne seroyt establer vendre une piece de drap, iiii d., et icy moins la moitié en ceste ville.

Item, buriaulx que l’en vent en la maison Pitebault s’aquitent par piece iiii d. pour piece, autant la grande comme la pettite, et en Coustances moins la moitié, se sont ii d.

Item, la touelle s’aquicte par piece, autant la grande comme la petite, iiii d. pour la piece s’il n’ont quictance, et icy moins la moityé.

Fer s’aquicte par sa somme, ii d. la somme, et icy n’est que i d.

L’achier s’acquicte par le cent, et du plus plus et du mains mains, et en doibt le cent viii d., et en n’est icy que iiii d.

Item, le pois du roy a peser les marchandisses guengne a Montmartin iiii d., et ainsy n’est icy que ii d.

Loquet de fil crocquecté^f Loquet de fil crocquecté écrit au crayon. esdictes foeres s’acquicte par ii d., pour le vendeur et pour l’achateur chacun i d., ainsy n’est icy que i d.

Item, esdictes foeres s’acquicte et le miel par la ruche par ii d., et ainsy n’est icy que i d.

Item, la somme, iiii d., et ainsy n’est icy que ii d.

Item, le gros cuyrain s’aquicte par la dacre et doibt la dacre viii d., c’est icy moins la moitié.

Le cent de maquerel doibt viii d., et est moins la moitié icy.

Item, seches doibvent pour le millier xvi d., et icy moins la moitié.

Vellin frouchoisy^g frouchoisy écrit au crayon et la lecture est incertaine. s’aquicter par le cent et doibt xvi d. le cent, c’est la moitié moins icy.

Parchemin appresté ne doibt rien.

Poesson s’aquicte par la somme et doibt ii d. pour somme et ne seroict pas deslier desquelz que les maistres ayent prins leur prinse, ainsy n’est icy moins la moitié.

Tonnel de vin s’acquicte par la piece et poye autant la pippe comme le tonnel et doibt viii d., c’est icy moins la moitié.

Changeurs qui deslient sans congé des maistres sont eulx et leur monnoye a la volunté des maistres et tous les jours que eux seront es estaulx du roy iiii d., et icy moins la moitié.

Chertee de potz de terre iiii d., et la somme ii d., ainsy est ausy icy moins la moitié.

En trestoutes les aultres causes, la prinse est telle pour les parties que de leurs droictz sommes d’alloses doibt une allose et une au fermier, et de la menue de macquerel aussy.

Et aussy, il est regardé de la maniere comment de lainnes lavee^hde lainnes lavee écrit au crayon . de Normandie pairont le xiiie d. se eulx n’ont quictance.

Aignelin paira semblablement autant.

Fardel de laine le plus ouvertⁱ ouvert écrit au crayon. i d. de coustume et ii d. place, se la coustume n’est double et se elle estoyt double, ilz pairont iiii d.

Laine d’Angleterre pour ce que aulcuns dient qu’elle est lannee^j lannee écrit au crayon. se acquicte par viii d. le cent.

Aignelins de Poitou ou de Bretaigne s’acquicte, pour le vendeur et pour l’achateur, iii d.

Fardel cordé de drap ou de toille ou de laine cordé viii d. et ne se doublent nulle fois, et s’il n’est cordé il ne doibt que iii d. et sy doibt ii d. de trespas.

La vache, autant le malle comme la femelle, i d., autant le porc comme la vache ; mouton, maille, autant comme les brebis, comme le mouton colier, maille.

Soyt marcheryes ou aultre chozes, les marchandises qui ne sont icy nommees en c’est roulle s’acquittent en la maniere comme les autres.

En tesmoing de ce nous avons mis en ces lettres [le sceel] de ladicte viconté duquel nous uson a present en l’an et jour dessus dict.